Sili

Fy Mywyd Mewn Llunia

2007-06-20T11:26:00.000+01:00

Ooooch... mai di bod yn hiiir gyfeillion! Cyfuniad o ddiffyg amser a gormodedd o waith (a diffyg mynadd a bod yn onest) sydd wedi arwain at farwolaeth dros-dro y blog. Ond gyda gobaith, mi driai ail-gydio mewn petha dros yr Haf (gan nad oes gennai ddim gwell i neud beth bynnag...).

Reit ta, lle i gychwyn? Efo chydig o hyn mwn...

A chydig mwy o hyn...

Cael ail-gydio yn hwn

Mwy o hon

Llond bol o hwn...

Penblwydd (yn ugain - yrgh...)

A bellach dwi'n gwario hanner f'amser rhwng adra yn Llwynhudol yn gneud llunia a chwara'r ddwy delyn newydd drwy'r dydd a fflat Aled ym Mhwllheli efo fo ac Owens bob nos.

Mai'n argoeli'n Haf braf a dwinna'n edrych 'mlaen i gael ymlacio am chydig fisoedd cyn ail-gychwyn yng Nghaerdydd ar fy nhrydedd flwyddyn.

Y gobaith ydi ail-gydio yn y blog yn fuan. Cawn weld...

Twll

2007-02-27T23:56:00.000Z

Esi i Aber wicend dwytha. Taswn i'n gallu gwario pob wicend (ac ychydig o ddyddiau un-bitwin) yno, mi fyddwn heb os. Mai'n rhyfedd sut allai wario dwy flynedd yn gneud llond berfa o ffrindia newydd, ond toes na'r un (wel, falle un ne ddau lwcus) yn curo r'hen griw.

Falla fod hyn i gyd wedi dod yn sgil y ffaith fod hanner ein ty ni wedi ffreuo efo'r hanner arall (wel, tri ohona ni yn erbyn y ddau arall) am resyma sydd dros fy mhen yn llwyr a sy'n ymdebygu i gweryla plant bach mewn iard ysgol. Bellach mewn anobaith llwyr, ma'n demtashwn lot rhy gryf i wario be sydd gennai'n weddill yn yr acownt banc ar drafeilio dros Gymru i weld pobl erill sydd i weld ar yr un lefel a mi. Y penwythnos yma fydd y cyntaf i mi wario yng Nghaerdydd ers cychwyn Ionawr efo'r stiwdants erill yma dwi'n siwr. Tydi'r ffaith fod y ty yma bellach wedi amlygu ei hun fel twll drewllyd a fod ni di landio'n hunain efo'r 'landlord from hell' ddim yn helpu'r achos dwi'm yn ama.

Ond dwi'n reit hapus yma cyn belled a fod na Lady Gray poeth yn fy nhebot, y delyn mewn tiwn, Aaron yn chwyrnu cysgu fyny grisia a ty Cai fyny'r lon.

Bovril

2007-02-18T18:26:00.000Z

Dwi'n sal ers gwobra RAP neithiwr yn y Gogledd. Sal iawn, iawn.

Esi ar y llwyfan i dderbyn gwobr y Cowbois yn fy meddwdod. A wedyn cyfweliad teledu gan Uned 5. A wedyn gan Bandit... ahem.

Heddiw ma mysadd i'n ogleuo o Bovril ar dost. Dwnim os ydi hyn yn gysylltiedig efo anturiaethau'r penwythnos.

Ma gennai arholiad fory 'fyd.

Tydi petha ddim yn edrych yn gret.

Ar y tren

2007-02-09T15:48:00.000Z

Dwi ar y tren ar hyn o bryd, wedi goddef 3 awr a 3/4 - dim ond 3/4 awr arall i fynd. Mae'r chwarter awr ddwytha wedi bod yr hiraf o mywyd a mae 'na fam ifanc newydd ddod i eistedd wrth f'ochr efo 5 o plant (ac y 'fengaf yn ymgeisydd pendant ar gyfer ADHD mi dybiaf), felly dwi'n tybio hefyd nad eith y 3/4 awr nesaf lawer cyflymach. Enw un 'di Tyler, Iesu goc.

Newydd gyrraedd Rhyl, pinacl cymdeithas Cymreig glan gloyw.

Er mor diddorol ydi llyfr cyntaf Mark Thomas, i rywun sydd llawer iawn gwell ganddi gael ei thraed wedi sadio ar lawr solat llonydd, tydi'r ffurf yma o adloniant ysgafn o bosib ddim y ffordd orau o gadw stumog gwastad. Ond os nad ydwi'n cadw'n llygaid ar y tudalennau, dwi'n mynnu syllu ar maint anferth fy nhrwyn o'r ochr yn y ffenestri tywyll. Nesi rioed sylwi tan heddiw fod y lwmp yng nghanol fy ngwep yn warantu cael yr enw 'conc' ac yn ei lawn haeddu. Damia. Dwi erbyn hyn yn reit siwr fod gennai 'receding hairline' yng nghanol y 'mwng' (diolch Cai, mae o'n gariad cofiwch), ac erbyn hyn mae'r ddynes gyferbyn yn edrych yn rhyfedd ar y stiwdant sy'n mynnu cydio yn ei ffrinj a'i 'chonc' bob yn ail. 'Sa well i mi stopio mashwr.

Hanner awr wedi pasio, go dda. Llandudno di'r stop nesaf, dim ond dwy dair stop cyn Bangor i ddod a wedyn cyri a gwely. Ma gennai sbinaitsh yng ngwaelod fy mag ond does gennai fawr o awydd bwyd Sowth ar hyn o bryd...

Tannau a Blew

2007-01-01T15:20:00.000Z

Hmm. Mi fuodd yn amser hir gyfeillion. Rhy hir falla, ond dwi di bod yn eneth brysur ers y Dolig a d'ai ddim i hel streuon am yr wyl (er fod o'n hyfryd) felly bw i chi. Bwww!

Er na dim ond dwy arholiad dwi di gal yn y mis ers dod n'ol i Gaerdydd, mae o wedi cael cryn dipyn o effaith ar fy stad meddwl. Hynny a'r llygod sydd bellach yn atgynhedlu yn y waliau yma fel tasa na ddim yfory. Oni'n effro cyn iddi wawrio bora ma yn pi-pi'n hun ag yn wylo dagrau hallt gan fod na lygoden fawr ddu yn trio hyrddio'i hun allan o'r cwpwrdd dillad cyn rhedeg o un pen f'ystafell i'r llall non-stop yn trio codi ofn arnai. Mae o'n gwbod yn iawn na roi drap i'w ladd o, yr hen genna bach blewog. Odd rhaid ffonio Lucy fyny grisia i ddod i ista efo fi a gafal yn dynn arnai nes i mi ddisgyn i gysgu yn ei breichia. Wir yr.

Gesi'r arholiad gwaethaf erioed dydd Llun. Homeostasis. Mae'r enw'n deud y cwbwl braidd dydi? Nesi aros fyny drw nos yn sdydio a dwi'n reit siwr mod i wedi gneud smonach llwyr o'r holl beth. Ac felly ers hynna dwi di bod yn cysgu ar fy nhraed braidd efo meddylfryd sy'n ymdebygu i gwdi-hw (h.y. cysgu yn ystod y dydd ac yn effro yn ystod y nos).

Onid dyma meddylfryd unrhyw stiwdant efo unrhyw owns a hynnan barch meddwch chi? Wel ia mwn, ond nid pob stiwdant sy'n yfed te rhydd o debot porslen na gwario'i phres i gyd ar y delyn letrig hyfryta'n y byd i gyd erioed. Do, mae pob mymryn o'n arian prin wedi ei fuddsoddi yn y delyn fychain ddu 33 tant yma -

Neis de? Mae o ar ei ffordd ar awyren o Shicago as wi sbic. Gesi gynnig un Catrin Finch gan nad oedd hi'n medru defnyddio'r un oedd hi di ordro o Lyon & Healey (babi newydd a ballu), ond un arian odd o, a doni'm yn cin a bod yn onest. Ac os dwi am wario pob dima goch sydd gennai, waeth i fi gal yn union be dwisio dydi? Allai strapio fo o gwmpas f'ysgwyddau a bob dim cofiwch!

Eniwe, sa well i mi fynd. Mai'n hwyr, ma mhaned i'n oeri a ma gennai ddet efo rhyw greadur bach blewog efo dannedd main sy'n cuddio rhwng y brics yn wal fy llofft...

...rhy hwyr, ma mhaned i'n oer.

Bygyr.

Dolig Llawen!

2006-12-24T22:33:00.000Z

Wel, mae Dolig rownd y gornel a minnau llawn ysbryd a llawennydd yr wyl!

Ma hyn yn rwbath reit braf o gysidro mod i dal ynghanol hangover dau ddiwrnod ffiaidd wedi noson o carnej yn y Ty Newydd eto. Llwyddo i dollti peint Aled dros gitar Aaron Elias druan (wedyn sylwi fod o'n sbio a felly gwario chydig funudau yn ei lanhau efo cadach gwlyb a gwen nerfus), yfed lot gormod o jin dan yr argraff na fyddwn i'n dioddef yn y bora (ffwl...) a disgyn i gysgu yng nghwpwrdd dillad Aled dan yr argraff mod i mewn goleudy. Peidiwch a gofyn, wir i chi...

Ac ylwch pwy ddoth yr holl ffordd i Sarn i'n gweld -

Ia! Dafydd Nant o bawb...

Gan anwybyddu'r holl waith sdydio sydd gennai i neud ar y funud, mae'r gwyliau wedi bod yn reit dda i mi hyd yn hyn. Esi a'r cariad annwyl am bryd o fwyd tair cwrs i Portmeirion cyn gwario gweddill y diwrnod yn cerdded o amglych y pentref yn rhynnu'n hapus a dwi di bod yn ymweld a'r teulu i ddanfon presantau a cardiau a ballu. Mi gesi noson braf heno wrth i Cai alw draw am banad (ne ddwy) cyn i Aled alw draw i ddeud Dolig Llawen sydyn.

Yr unig beth sydd yn llwyddo i gorddi ydi'r diffyg mawr o ffilmiau Nadoligaidd ar y teledu rwan hyn. Dio'm yn teimlo'n iawn rwsut mod i'n gwylio 'Van Helsing' ar adeg sydd i fod yn rwbath teuleuol a chrefyddol. Er, dwi yn tipyn o ffan o ambell i werewolf neu fampir nawr ac yn y man...

Ac felly mae angen dymuno Nadolig Llawen i chi gyd, a blwyddyn newydd dda tasai'n dod i hynny! Gobeithio y cewch wythnos o ymborthi, diota a downsio yn ffit i'r brenin!

Morthwl

2006-12-09T16:07:00.000Z

Ma amser y Nadolig wastad yn cynnau rhyw deimlad chwerw ynnai bob blwyddyn. Nid y diwrnod ei hyn cofiwch, dwi wrth fy modd efo hwnnw, ond yr wythnosau blaenorol o baratoi a gweld y ddinas yn prysuro. Dwi'n casau y busnas o weld trimings Dolig hyd y lle ym mis Medi, dwi'n casau y syniad o brynu cardiau neu bapur lapio neu unrhyw beth wir efo'r geiriau "Merry Christmas" (neu hyd yn oed waeth, "Merry Xmas") mewn llythrennau coch glityr. Felly dwi'n gneud rheol bob Dolig na fyddai'n prynu'r petha yma, ddim ond ambell botel o 'mulled wine' bob hyn a hyn.

Ond ddoe, rhaid cyfaddef y bu i mi deimlo'n hynnod Nadoligaidd, a gwario'r bora yn siopa am bresanta i'r chwaer, y cyd-lletewr a'r cariad. Mi brynis botel o mulled wine, a'i yfed yn y lownj efo pins mei ac oren efo gwen anferth hyd fy ngwynab. Erbyn hyn, dwi'n edrych ymlaen i fynd adref er mwyn cael ista o flaen tan agored wedi closio at y cariad efo botel o Baileys a cheiniogau siocled.

Do, mi ges ddiwrnod ysblennydd nes gneud rwbath gwirion a ceisio tiwnio fy ffidl efo morthwl.

Nath y syniad ddim gweithio. Ddim o gwbwl.

Go drap.

Bochau cochion

2006-11-24T17:23:00.000Z

Esi am fy nhrydedd diwrnod o waith yn ward plant Ysbyty Psychiatric Whitchurch heddiw.

Mi falodd zippar fy llodra gwaith gan beri iddyn nhw ddisgyn am fy mhengliniau a dyma fflasho par o nicers pinc ffansi a top fy nghoesa i grwp o enethod bach anorexic, sgitsophrenig a bi-polar.

Owff y cywilydd a'r bochau cochion...

...nid yn unig yn y rhanbarth wynebol mi dybiaf!

Glafoeri

2006-11-20T15:16:00.000Z

Mae o wedi cyrraedd.

Yn gorffwys ar fy nglin yn syllu'n fyd arnai a minnau bron a glychu'n hun o'r holl gynnwrf a disgwyl.

Albym hir-ddisgwyliedig newydd Tom Waits. Tri cryno ddisg o berffeithrwydd cerddorol gan yr unig ddyn sy'n medru fy ngostwng i ddagrau efo dim ond swn ei lais.

Ydio'n beth naturiol i eneth mor ifanc addoli rhywbeth mor hyll 'dwch?

Dyma adolygiad o'r 'box set' gan ANTI -

"Orphans: Brawlers, Bawlers and Bastards is a spectacular musical journey, which visits most every genre of American song tradition.

The diverse 56-song, 3-disc collection captures the full scope of Tom Waits’ shamanic powers as a vocalist, literary lyricist, romantic melodist, innovative arranger and pioneer of sonic worlds.

This deluxe limited edition release, written and produced by Waits and his longtime collaborator and wife, Kathleen Brennan contains 30 new and never before heard recordings, plus rare songs taken from collaborations with artists in film, literature and music—complete with a 94-page handmade booklet of lyrics and rare photos. The set, which took over three years to compile and record, is grouped by genre with songs guaranteed to move and shake the heart, the body, the mind and most unquestionably the soul.

Each of the CD’s are separately arranged and sub-titled – “Brawlers,” “Bawlers” and “Bastards” to encapsulate the full range of Waits’ nomadic scope of musical styles.

Brawlers is packed with full throated juke joint stomp, boogies and riotous blues. It’s roadhouse Waits,..He chugs, whistles and screams. It’s primal steaming surreal blues. He channels the Stones, Beefheart, Muddy Waters and T-Rex. One new one, “Low Down” is raw garage rock with Waits’ 20 year old son, Casey on drums and San Francisco’s white trash blues icon, Ron Hacker, on guitar.

Bawlers – Lonesome ballads about the sadness at the end of the road are framed by tender songs of innocence and green hope. The plaintive hill country laments of, “Tell It To Me” and the cautionary tale, “Fannin Street” blend poignantly with saloon songs of betrayal and despair (“The World Keeps Turning”) Celtic waltzes and bitter cabaret torch songs like, “It’s Over” and “Little Drop Of Poison”, all of which explore what the heart gives and what it takes away.

Bastards – explores the strange and unusual side of Waits, who is peculiar by nature. Contained here is experimental music and scary tales. There are uncategorizable diversions into this dark side. It tunnels beneath the city with spiels, rants, mouth rhythms, including a poignant reminiscence of car ownership, a Ramones cover and a version of Daniel Johnston’s, “King Kong,” a disturbing bedtime story,(not for children faint of heart),and a poem by Charles Bukowski. It has insects, murder, drowning and insanity. Or as ma says, the full dinner menu."

A dyma syniadau y dyn ei hun am yr hyfrytbeth sydd bellach yn atodiad parhaol i'r chwarewr CD acw -

"When I was small I always thought that songwriters sat alone at upright pianos in cramped smoky little rooms with a bottle and an ashtray and everything came in the window blew through them and came out of the piano as a song…and in a weird way that is exactly what happens.

What’s Orphans? I don’t know. Orphans is a dead end kid driving a coffin with big tires across the Ohio River wearing welding goggles and a wife beater with a lit firecracker in his ear.

At the center of this record is my voice. I try my best to chug, stomp, weep, whisper, moan, wheeze, scat, blurt, rage, whine, and seduce. With my voice, I can sound like a girl, the boogieman, a Theremin, a cherry bomb, a clown, a doctor, a murderer…I can be tribal. Ironic. Or disturbed. My voice is really my instrument.

Kathleen and I wanted the record to be like emptying our pockets on the table after an evening of gambling, burglary, and cow tipping. We enjoy strange couplings, that’s how we got together. We wanted Orphans to be like a shortwave radio show where the past is sequenced with the future, consisting of things you find on the ground, in this world and no world, or maybe the next world. Whatever you imagine that to be.

If a record really works at all, it should be made like a homemade doll with tinsel for hair and seashells for ears stuffed with candy and money. Or like a good woman’s purse with a Swiss army knife and a snake bite kit.

Orphans contains songs for all occasions. Some of the songs were written in turmoil and recorded at night in a moving car, others were written in hotel rooms and recorded in Hollywood during big conflamas. That’s when conflict weds drama. At any rate these are the ones that survived the flood and were rescued from the branches of trees after the water’s retreat.

Gathering all this material together was like rounding up chickens at the beach. It’s not like you go into vault and check out what you need. Most of it was lost or buried under the house. Some of the tapes I had to pay ransom for to a plumber in Russia. You fall into the vat. We started to write just to climb out of the vat. Then you start listening and sorting and start writing in response to what you hear. And more recording. And then you get bit by a spider, go down the gopher hole, and make a whole different record. That was the process pretty much the last three years.

Then we met Karl Derfler, a wizard engineer who works at Bay Side Studios in Richmond, CA, in the science fiction part of town. A battlefield medic, he did a Lazarus on a number of the songs and recorded all the new material.

On Orphans there is a mambo about a convict who breaks out of jail with a fishbone, a gospel train song about Charlie Whitman and John Wilkes Boothe, a delta blues about a disturbing neighbor, a spoken word piece about a woman who was struck by lightening, an 18th century Scottish madrigal about murderous sibling rivalry, an American backwoods a cappella about a hanging. Even a song by Jack Kerouac and a spiritual with my own personal petition to the Lord with prayer…There’s even a show tune about an old altar boy and a rockabilly song about a young man who’s begging to be lied to.

I think you will find more singing and dancing here than usual. But I hope fans of more growling, more warbling, more barking, more screeching won’t be disappointed either."

Ohoho, stopia wir ddyn. Fyddai di cynhyrfu gormod...

Coesa pinc piso

2006-11-18T17:11:00.000Z

Mai'n hen bryd am flog ffresh erbyn hyn. A paned i sbarduno'r sgwennu.

Mi addawis i lunia o'n llofft unwaith y byddwn i wedi gorffan ei wneud yn gartrefol, a gan fod o'n teimlo'n "gartref" erbyn hyn, dyma chi...

Ma na dipyn o lygod acw erbyn hyn. Dyma ffeindio un bychain bach brown yn eistedd mewn pwced yn y gegin ddoe wedi piso dros ei goesa ac yn edrych i fyny'n falch ar y tri pen anferth yn syllu n'ol arno. A gan mai Delyth sydd yn mynnu defnyddio trapiau ffeind yma, Delyth gafodd y swydd o gario'r lygoden i'r fynwent yn y glaw efo twal Mr. Blobby wedi ei lapio rownd caead y bwced rhag ofn i'r lygoeden ddychryn (mi welis i nhw'n gneud hyn ar rhyw ddogfen Safari ar y sianel Discovery i atal rheino rhag dychryn). Mae'n rhaid fod ni'n cynnig llety gwerth chweil i'r creaduriaid gan fod y lygoden yma mor grwn nad oedd o'n medru cerdded cymaint ag yr oedd yn rowlio ar ei stumog i bobman. I guddio dan ddail crin oedd ei hanes i sychu'r piso oddi ar ei goesa bach pinc.

Ma na fwy i'w dal dwi'n ama. Nid hwn oedd y lygoden fawr ddu a welis i chydig yn ol yn rhedeg oddi tan y soffa i eistedd yn sgwar o flaen y sgrin teledu yn ystod y rhaglen Bandit, gan ymestyn ei chlustia bach melfedaidd i donnau perlaidd BOB ac ysgwyd ei thrwyn bach pinc ar y slyg o fwstash a gysgai dan drwyn Aled ym mherfformiad y Cowbois, nage wir. Hen beth cyfryws oedd hon, a chredydau'r diwedd yn rowlio, dymai'n nodio ei phen bach arnai mewn cytundeb mud o foddhad ar y rhaglen cyn gwibio oddi tan y soffa yn ol i'w nyth heb falio bygyr ol am fy mhresenoldeb. A cyn belled a hyn, mai wedi annwybyddu'r trap llawn siocled ar ben y ffrij. Gem aros ydi hyn, welwch chi, victory will be mine...

Mae 'Orphans' gan Tom Waits allan dydd Llun. Y bwriad ydi donio fy nhrilby a mynd i dre ben bora i'w brynu o Fopp cyn gwario dwrnod cyfan yn yfed bourbon rhad a siarad mewn llais grug wrth wrando ar y Duw wrth ei waith. Ow, mi fydd hi'n hwyl!

Briwiau

2006-10-22T12:21:00.000+01:00

Gah! - mae'r wythnos yma wedi bod yr un mwyaf anffodus i mi fod yn cofio ers tro byd. Dwi'm yn meddwl fod diwrnod wedi pasio ers i Aled adael dydd Mawrth lle nad ydwi wedi anafu fy hun mewn rhyw ffordd neu'i gilydd a minnau bellach yn ymdebygu i fwrdd chess efo dim ond ambell sgwaryn o groen gwyn i'w weld ar ol.

Nos Fawrth, dyma dathlu penblwydd Mathew mewn par o fwtsias cowbois a sannau tyllog. Y cam gwag cyntaf ar fy rhan i oedd yfed fy hyn yn wirion bost fel nad oeddwn yn medru teimlo'r boen. Camgymeriad anferth arall oedd gadael i mi gael fy llusgo i Liquid i orffen y noson i ddownsio a chwifio breichia a ballu efo Dafydd Nant gan ychwanegu i'r bwystfilod blisteraidd. Talu bora dydd Mercher a wnes i wrth gwrs wrth i mi geisio hercian fy ffordd i ddarlithoedd 10 o'r gloch bora efo andros o gur pen a mola i fel chwyrligwgan. Diwrnod cerdded i mewn i handlan drws y parlwr fuodd hi am weddill y dydd Mercher gan greu twll go swmpus yn fy siwmper wlannog a briwiau bach piws hyd fy ngwasg.

Mae pethau'n gwaethygu bobl.

Nos Iau dyma Delyth yn penderfynu mynd i wels y gig Oxjam yng Nghlwb Ifor efo'i annwyl Cai a llond ysgrepan o arian. Gig dda, os nad chydig yn rhy ddistaw, a gig y Derwyddon yn Callaghans i ddilyn perfformiad Kentucky AFC. Wedi cyrraedd Callaghans, roedd y Derwyddon wedi bod a dyma penderynu'n o sydyn fod y band olaf yn gachu rwtsh felly off a Dei Nantes a mi i Bounce am chydig i weld pwy oedd ogwmpas (Rhaid ychwanegu ar y pwynt yma fy mod erbyn hyn yn "ddau gadach i'r gwynt" ac na fyswn i wedi mynychu y fath le taswn i'n medru rhesymu'n well). Cael fy ngadael yno'n unig fuodd fy hanes, cyn i mi ddisgyn ar fy nhintws ddwy waith o flaen pawb wrth geisio chwilio am wyneb cyfarwydd. Owff, ma'r briwiau ar bochau fy nhin a mhenglin yn rhei cas.

Dydd Sadwrn ddaeth pinacl poen yr wythnos. A minnau wedi bod yn son fod f'ystafell wely yn edrych reit llwm, dyma mynd ati i glirio a rhoi posteri a lluniau canfas hyd y waliau. Wedyn, gan fod y stand allweddellau "two-tier" newydd wedi cyrraedd (wedi gorfod aros pythefnos i'w gael gan fod yr un anghywir wedi dod y tro cyntaf), gesi cryn dipyn o hwyl yn gosod y Yamaha digidol a'r organ Roland VK-7 oddi tan y lle tan yn y wal a weirio pob dim at ei gilydd. Rwan, o gofio fod y ddau bwystfil yma'n drymach o beth wmbrath na'r allweddell cyffredin ac fod hi'n joban i ddyn go gyhyrog i'w cario yn gyfforddus, dychmygwch y boen wrth i'r ddau ddisgyn ar ben ei gilydd yn sgwar ar fy nhroed dde. Drwy rhyw wyrth dieflig, dyma'r twll sy'n dal dant y stand yn agor allan gan beri i hwnnw ddod yn rhydd a'r holl beth ddymchwel yn fflat i'r llawr. Pasio allan fuodd fy hanes am sbel nes dod at fy hun a cropian i'r parlwr efo nhroed yn gwaedu. Bag pys rhewllyd aeth amdano a Lucy'n actio'r nyrs wrth i mi wingo ac edrych yn gyffredinol welw yn fy sedd. Ath am drip i A&E wedyn i gael X-ray a sylw gan ddoctor golygus a ffeindio nad oeddwn i wedi ei dorri, ond nad ydwi fod i gerdded arna fo am sbelan. Owff, a methu gig BOB yn Clwb Ifor a pawb o bwys o Aber wedi dod lawr ar ei gyfer. Ond o leia ma gennai esgus i fod yn ddiog rwan (a dydi'r llun ddim yn gneud unrhyw gyfiawnder a'r briwiau na'r cyt chwaith gyda llaw).

Mae'r ty wedi bod yn le peryglus i fyw ynddo yn ddiweddar hefyd. Dyma llygodan fawr ddu yn gwibio drwy'r parlwr i guddio dan y soffa tra fod ni'n gwylio ffilm nos Ferchar (nesi wario gweddill y noson yn eistedd ar bwynt uchaf y soffa). Dyma'r to yn cychwyn gwllwng neithiwr, a dwr yn rhedeg o'r golau yn y parlwr wrth i Mathew gymrud bath fyny grisia. Felly dani'n byw mewn tywyllwch nes gawni afael ar y landlord (sydd yn gneud joban reit dda o beidio ateb ei ffon na'i negeseuon hyd yn hyn...) ac yn olaf ma pawb reit siwr fod na rhywun wedi trio torri mewn neithiwr hefyd wedi i mi glywed swn y drws cefn yn cael ei daro a Mathew yn deud fod o wedi gweld rhywun ar y patio ar ben yr holl helicoptars heddlu fuodd yn cylchu uwchben y stryd hyd oria man y bora. Cysgu efo'r golau ymlaen fues i wedi hynny, darllen Oscar Wilde a gwrando ar 'Piano Concerto No.1 in F# minor' gan Rachmaninoff i gadw'n effro.

Odd y llefrith wedi suro bora ma (diwrnod yn fuan) 'fyd.

Harymff.

Cwyno

2006-10-08T23:32:00.000+01:00

Peth cas ydi byw mewn llanast. Dwnim faint dwi'n trio, tydi'n stafell wely i ddim taclusach na pythefnos n'ol pan symudais i mewn. Extension cables a bocsus cardfwrdd a llunia canfas hyd y lle fel nad oes gennai le i droi wedi mynd. Gah! Dwi'n casau y cyrtans yma, rhei melfed samon ychafi yn gorffwys ar bolyn sydd wedi plygu fel nad ydwi'n gallu agor na cau y bygars.

Peth cas ydi methu gwyneba cyfarwydd cartrefol hefyd. A peint mewn tafarn lle ma pawb yn adnabod pawb arall, ddim yr awyrgylch sterail rhywsut sy'n perthyn i dafarndai Gaerdydd. Pob tafarn yn cynnig "meal deals" a "footy on sky sports" a "becks bottle - £1.75". Ag eto dwi'n byw ymysg myfyrwyr sy'n mynnu gwisgo'i fyny fel cymeriadau cartwn neu gowbois ac yn meddwi ar dri malibu a coke a mynnu cario'u sgidia dan eu ceseiliau ar y daith n'ol adref. Ond ymysg y gybolfa fyfyriol, mai'n deimlad braf cael suddo n'ol i'r drefn o fod yn flin a chwerw at bawb yma ac yfed lady gray yn rhydd mewn tebot. Niam niam.

Peth cas ydi gorfod codi yn fuan bob bora a minnau'n gwbod yn iawn y byddai wedi diflasu'n llwyr tan 5. Ma'r darlithoedd pharmacology yn ddiddorol, ond mae'r gweddill yn rwtsh gan ddibynnu ar y darlithiwr.

A wedyn dydi Al ddim yma chwaith, sy'n beth cas go iawn. Ond dwi yn cael ei weld ar y wicends am sbel, tan wedi Tyrfa Tawe o leiaf. Mai'n ffein, jest yn rhyfadd i fynd mor hir heb weld rhywun mor agos a wedyn y ffaith fod o mor bell ar ben hynny a'r ddau ohona ni'n byw bywydau ein hunain. Ond mai'n hyfryd ei gael o yma weithia. Mi fuodd y Cowbois yn recordio yn Boomerang ar gyfer Bandit wicend dwytha. Ath hi'n dda iawn, efo fersiwn newydd o ambell gan i edrych mlaen i' weld ar y sgrin erbyn yr 2il o Dachwedd...

Dwi'n mwynhau bod n'ol yng Nghaerdydd ar y cyfan. Allai'm cwyno.

Wilde and Wonderffwl

2006-10-03T10:59:00.000+01:00

How do you do young layhayhaydee?

Wel dwi n'ol yma yn y ddinas fawr yn fy nhy newydd ac wedi cychwyn y darlithoedd 9-5 yn barod. Ac wedi disgyn i'r un hen drefn o arwyddo'n enw i'r rhestr dissection ben bora a cherdded oddi yno'n unionsyth. Hyn i gyd efo'r bwriad o wneud y gwaith ar ben fy hun yn y cyfamser wrth gwrs (ond nai ddim).

Wedi cael wythnos go bleserus. Dadbacio, ymlacio a diota (hyn i gyd wrth deimlo'n bwysig ymysg y ffreshyrs meddygaeth bychain cin). Mai'n braf cael gneud bob dim ar fy nhelerau fy hun eto. Dwi di cael ambell brynhawn hyfryd yn eistedd yn Copa yn gwylio'r byd yn pasio wrth yfed glasiad neu ddwy o gwrw ceirios a darllen Oscar Wilde mewn cadair esmwyth. Dwi di gwirioni'n lan efo 'The Picture of Dorian Gray' ar y funud, yn enwedig y 'preface' penigamp -

"The artist is the creator of beautiful things.
To reveal art and conceal the artist is art's aim.
The critic is he who can translate into another manner or a new material his impression of beautiful things.
The highest as the lowest form of criticism is a mode of autobiography.
Those who find ugly meanings in beautiful things are corrupt without being charming. This is a fault.
Those who find beautiful meanings in beautiful things are the cultivated. For these there is hope.
They are the elect to whom beautiful things mean only beauty.
There is no such thing as a moral or an immoral book. Books are well written, or badly written. That is all.
The nineteenth century dislike of realism is the rage of Caliban seeing his own face in a glass.
The nineteenth century dislike of romanticism is the rage of Caliban not seeing his own face in a glass.
The moral life of man forms part of the subject-matter of the artist, but the morality of art consists in the perfect use of an imperfect medium.
No artist desires to prove anything. Even things that are true can be proved.
No artist has ethical sympathies. An ethical sympathy in an artist is an unpardonable mannerism of style.
No artist is ever morbid. The artist can express everything.
Thought and language are to the artist instruments of an art.
Vice and virtue are to the artist materials for an art.
From the point of view of form, the type of all the arts is the art of the musician. From the point of view of feeling, the actor's craft is the type.
All art is at once surface and symbol.
Those who go beneath the surface do so at their peril.
Those who read the symbol do so at their peril.
It is the spectator, and not life, that art really mirrors.
Diversity of opinion about a work of art shows that the work is new, complex, and vital.
When critics disagree, the artist is in accord with himself.
We can forgive a man for making a useful thing as long as he does not admire it. The only excuse for making a useless thing is that one admires it intensely.
All art is quite useless."

Mae pob darn o'i waith gennai acw yn Tewksbury St. bellach felly fydd hi'n braf cael gweithio fy ffordd drwy bob dim yn ystod y misoedd nesaf.

Ma'r busnas dadbacio ma'n ffiaidd. Dros wythnos a ma bob dim dal mewn bocsus a dros y lloria. Dwi am fynd i Ikea heno (eto) i nol rhyw fan bethau i adio twtsh o liw i'n stafell wely. Gyda gobaith mi gai amser i beintio rwbath i roi ar y waliau yn fuan, a ma Aled wedi dod a peinting Wil i mi hongian uwchben fy lle tan. Mi bostiai lunia unwaith fyddai wedi gorffen pob dim.

Gig wych gan y Cowbois, Tangwystyl a'r 'Toidz nos Iau ddwytha yn y Clwb. Nid mod i'n cofio dim wedi'r Cowbois dachi'n gweld, ond mae llunia yn dyst i mhresenoldeb bellach. Mi fydd y Cowbois yn dychwelyd yma nos Wener i recordio ar gyfer Bandit felly beryg y bydd hwyl i'w gael dros y penwythnos nesaf hefyd.

Mae'r malwod i weld yn setlo mewn 'fyd.

Tishw

2006-09-14T19:48:00.000+01:00

Ow ma Sili'n symol. Rhyw dagu brwnt a methu anadlu a rhyw lol felly. Felly dwi'n ogleuo o hen bobl yn cnoi fferis tagu a cymud ambell i lymaid o ryw ffisig du gludiog sy'n ogleuo o licrish. Ychafi. A ma'r unig bocs o dishws yn y ty yn dosbarthu papur tywod sy'n troi'r trwyn yn goch.

Ac o ganlyniad i hyn, dwi 'di methu stoncar o gig yn Neuadd Hendre ac Al fawr ar ei fas yn jiglo ar y llwyfan i gyfeiliant y Cowbois a phawb arall yn jiglo yn y ffrynt o'u blaena. Ac ar y funud dwi wrthi'n methu stoncar o gig arall yn Port efo Cowbois, Pwsi a Radio Lux. Gah!

N'ol i Gaerdydd fory am flwyddyn arall, a'r Haf wedyn ar ei ben go iawn. Iesgeth, mae o wedi hedfan a finna wedi gneud bygyr ol o werth a bod yn onest. Nefyr maind. Fydd pump awr mewn car efo'r rhieni efo clamp o siwtces ar fy mhen, wedyn dadbacio a sortio popeth allan bownd o fod yn hwyl...

Ma Aled yn dod atai dydd Iau i chwarae yn Clwb Ifor fel rhan o gig yr Undeb Gymraeg newydd, yippety! Mi fydd na le gwag ar ol iddo adal mashwr. Ewadd, mae o'n hogyn gwerth ei halen, wchi. Ddoth o'r holl ffordd yma heddiw ynghanol setio fyny i'r gig ym Mhort dim ond i ddeud tata, ma mam di bod yn tynnu coes ers hynny.

Mwy o bacio a thagu stwff gwyrdd rwan, bw.

Wil Ffidl

2006-09-09T23:08:00.000+01:00

Newydd brynu un o rhain -

Ffidl 'letrig dawel Sojing. Hynnod cwl mewn ffordd hynnod hyll. Dyma ffordd wych o neud gelynion yn syth bin allan o drigolion rhif 28 pan y byddai'n symud mewn ar y 24ain!

Mi fues i'n Pwllheli neithiwr yn yfed fy hun yn ddall a baglu o dafarn i dafarn. Ddim go iawn, esi weld y llanw uchel efo'n rhieni am hanner 'di deg. Trist braidd ynte? Ond y peth tristaf oedd gweld rhyw ffwl ar ei hyd yn ganol y lon wedi ei ddyrnu ynghanol criw anferth o blantos pymtheg oed yn gafael yn eu alcopops ac yn panicio fod yr heddlu ac ambiwlans wedi cyrraedd. Mai 'di mynd i'r dogs. A rhyw eneth yn gwisgo belt am ei phen-ol yn cerdded yn droednoeth ar hyd yr harbwr drwy boteli gwydr wedi eu chwalu'n deilchion a'i chariad a'i gap ar ongl 90' yn holi "lle ma dy shws di?" Ag odd dwr yr harbwr yn drewi o bysgod marw a minnda'n dioddef dal i fod o'r noson gynt yn y Ty Newydd. Owff, dwi'n snob.

Gig wych yn sarn ar y nos Sadwrn - Pwsi, Y Rei a'r Derwyddon. Pawb wedi chwarae'n hynnod lyfli ar ol llond bol o farbeciw tu allan yn yr haul. A minnau yn gwario gweddill y noson yn mwydro pen ac yfed seidar efo Aaron Elias ac yn rhedeg ar hyd Rhos Botwnnog yn chwilio am y Cowbois yn fy mwtsias. Ac yn ol fy nyddiadur, mae digon o nosweithiau o gigs yn y Gogledd i mi eu mwynhau cyn dychwelyd i'r 'Diff am flwyddyn arall o dorri cyrff a chysgu drwy ddarlithoedd.

Rhyw Malwod

2006-09-05T23:48:00.000+01:00

Welis i rwbath reit... wel, sgym dwi'n meddwl di'r unig air, heno.

Colin a Gary, y malwod mawreddog yn trio cal rhyw drwy waliau gwydr eu tanciau am y tro cyntaf. Er fod Gary yn hyn na Colin o rhyw flwyddyn a hanner ballu, ond fod Colin tua ugain gwaith ei faint. Oh fy Nuw, welis i rioed fashiwn shenanigans gan greaduriaid mor ifanc! Odd gen y ddau rhywbeth oedd yn edrych fel esgus am bidws gwyn yn allwthio o'u gyddfau ac yn anelu'r naill at y llall (heb fawr o lwc rhaid ychwanegu).

Y ddwy falwoden frwnt, damia nhw a'u libido rhampant...

Mi dynis i Colin allan o'i danc, ac efo darn o giwcymbyr fel rhyw fath o adloniant i dynnu ei sylw, dyma gwthio ei bidws n'ol i'w ben a rhoi stop ar yr holl fudreddi. Ychapychamychins.

Amser a ddengys odd ydi hyn am fod yn berthynas tymor hir ynteu rhyw berfertrwydd dros dro.

Chwyrnu

2006-09-01T23:23:00.000+01:00

Ma bywyd yn symud yn rhy gyflym a sefyllfaoedd yn newid efo'r tymhorau. Nid mod isio'r Haf yma cyn hired a hyn, dwi di laru arna fo. Tasa'r Hydref chydig yn hirach swni chydig yn hapusach (geith y Gaeaf aros fel mae o, dwi di ffeindio fod hi'n bwrw lot gormod ar fyr-rybudd yng Nghaerdydd bryd yma o'r flwyddyn).

Wedi bod yn eithaf prysur ar y cyfan yn teithio rhwng Kediff, stiwdio Dyl Mei, ty Anti Haf a fama a di ffeindio fod y fath shenanigans wedi sugno lot o'r egni allan ohonai. Mi waris i lot o nos Fawrth yn hollol effro yn rhannu stafell wely hefo'r annwyl Cai gan mod i'n poeni yn gefn meddwl y byddwn i'n cychwyn chwyrnu yn fy nghwsg. Wel am beth gwirion i neud.

Ddoth Mari yma heno i ista ar ein cadeiriau esmwyth lledar coch a dodi gobaith a chariad yng nghalonnau y rhai llai ffodus ohonom. Odd hi'n braf gweld r'hen go eto i gael siarad yn gall yn hytrach na'r mymblan meddwol Hafaidd sydd rhwng y ddwy ohona ni fel rheol (dim fod Mari'n gallu siarad yn iawn beth bynnag, druan bach).

Newyddion trist fod Syr Kyffin wedi marw. Beryg na fyddai'n medru fforddio dim o'i waith mewn blynyddoedd i ddod lly.

Test dreifio pen rhyw bythefnos ballu a cyfar albym newydd sionclyd y Cowbois i'w orffen siwr o fod. Wedyn cychwyn tymor arall, cyn fod y trimings Dolig ysglyfaeth yn cael eu harddangos erbyn yr Hydref. Owff...

Llongyfarchiadau

2006-08-24T17:22:00.000+01:00

Hwre, clod a bri i f'annwyl chwaer, Luned am basio ei arholiada TGAU heddiw. A* ym mhob pwnc cofiwch chi, ewadd ond tydi hi'n eneth glyfar?

Wrth gwrs, dylanwad ei chwaer sydd wrth wraidd hyn i gyd wchi...

Harymff

2006-08-23T20:56:00.000+01:00

Gwdei.

Mai'n hen bryd i Wil ail-afael yn ei gwaith coleg erbyn hyn. Chwe noson olynnol o shenanigans lled-feddwol blin a dim ond un o rheini wedi ei wario allan ymysg poblach Pen Llyn. Wypsidesi.

Dwi di laru. Ma pobl yn ddiflas a chymdeithas yn rhemp.

A dwinna fawr gwell.

Nodi

2006-08-17T23:37:00.000+01:00

Mae amser yn hedfan ymaith llawer rhy gyflym i rhywun mor sinsir a mi.

Mae'r 'Steddfod wedi mynd a dod a Delyth llawer iawn rhy sobor drwy'r holl shambyls. Ma bod yn gymdeithasol a chyfeillgar tuag at bobl sydd lot fwy meddw a swnllyd na chi am bump diwrnod yn cymeryd llawer gormod o fynadd i rhywun fel fi, sydd ar y cyfan, yn gallu bod yn reit shiort. A hyn i gyd ar ol treulio'r nosweithiau yn cysgu mewn fan goch dim ond i ddeffro i gariad fytodd un bwrger yn ormod yn y gorlan noson ynghynt gan beri i'w tu fewn gwyno yn y modd mwyaf anghymdeithasol.

Heileit yr wythnos oedd, wrth gwrs, cael sgwrs efo Emyr Wyn ar y maes am gimychiaid.
"Mae fy nghariad," meddwn innau, "yn ffan mawr ohonoch, ac yn mawr obeithio cael cystadleuaeth bwyta cimychiaid efo chi yn y dyfodol agos."
"Nawr te!" ebychodd Emyr gyda sbarc yn ei lygaid. "Odi wir?"
Oho, it's in the bag mai diyr.

Mae fy mhapa annwyl bellach wedi cyrraedd plateau gymharol gymeradwyol o ran safon ei ddealltwriaeth yn y Gymraeg. Mae o bellach yn gallu dilyn 'Noddy' Cymraeg ar S4C bob bora. Er fod o dal yn mynnu deud "llustiau'' yn hytrach na "clustia". Clod a bri i'r dyn am drio, beryg na fyddwn i'n dallt gair a ddaw o ben Plisman Plod.

Peth cas ydi ceisio cuddio rhag y dyfodol dan gwilt a glasiad o jin a thonic yn gwmpeini. Peth gwaeth ydi sylwi mor fuan a'r ail lasiad fod hyn yn amhosib a cholli diddordeb yn y gem o chwara mig hunan-dosturiol.

Llongyfarchiadau i Iwan am gael pedair A yn ei lefelau AS gyda llaw. Mae'r hogyn yn un peniog, welwch chi. Nid cyrls a chlustiau'n unig a dyfai wrth ei ben.

Cranc Coryn

2006-07-13T14:23:00.000+01:00

Ar y cyfan, dwi'n berson sy'n hoff iawn o'i bwyd. Dwi'm o reidrwydd yn byta gymaint a hynny o gig - dim ond ambell stecen waedlyd ffein ac ambell iar, sosij fan hyn a fan draw a ballu - ond ma gennai archwaeth ddynes flonegog iawn a does dim gwell na pryd bwyd mawr o safon gennai.

Meddyliwch fy ngorfoledd nos Iau ddwytha ta pan drodd y cariad fyny ar y stepan ddrws yn mynnu mynd a mi am bryd o fwyd mor i'r Beuno! Ac er nad ydwi'n hoff o fwyd mor chwaith, ma gennai dipyn o flas am granc, ac felly dyma'r ddau ohonom yn gordro pryd o granc coryn a minnau'n glafoeri wrth feddwl am granc ffresh o foroedd Llyn wedi ei gyflwyno mewn ffrodd reit debyg i hyn:-

Does dim geiriau i ddisgrifio y siom a'r dychryn a ddilynnodd felly wrth i'r plat gyrraedd efo nid 'dressed crab' arno, on rhywbeth nid yn anhebyg i hyn:-

Owff, dyma stumog Delyth yn troi yn y fan a'r lle wrth i Aled godi'i binshars a chychwyn malu ei ffordd drwy'r granc druan a methodd Delyth a hydnoed codi ei fforc yn ei braw. Ac felly y bu, efo minnau'n eistedd yno a gwedd yn wynnach na'r galchen am ddwy awr wrth wylio a chlywed fy nghariad yn gweithio'i ffrodd drwy pob coesyn ar y bwystfil o bryf cop coch o'i flaen a chael ambell gwsmer yn chwerthin tu ol i'w dwylo wrth wylio'r eneth gringoch yn gwingo yn ei sedd. Erbyn y diwedd, roedd y llawr o gwmpas ein bwrdd wedi ei orchuddio efo darnau cragen gwag a saim cranc yn wledd dros gweflau a bysedd Aled a minnau'n gorfod rhoi y granc oedd ar ol mewn ffoil idda fo gael mynd a hi adra i sglaffio fory. Oni'n reit hapus i gael throi hi am adra. Chyffyrddai yn yr un anifail mor fyth eto.

Mai'n ugain munud i bump a dwi dal yn sal wedi noson o yfad seidar hegar ddeuddydd yn ol yn Sarn. Bols. Ond dwi wedi magu blas am jelly beans ers ddoe, ac wedi byta llawer iawn gormod yn barod felly synnwn i ddim fod hynny ddim o fudd i mi chwaith.

Ma mynd i aros ar Ynys Enlli am wythnos y syniad gorau gafodd neb erioed. Ai yno i encilio am weddill f'oes unwaith y byddai wedi gneud fy ffortiwn.

Jeli coch

2006-06-23T23:06:00.000+01:00

Dwi newydd brynu Moleskine oddi ar ebay wedi edrych ar gyfrif Flickr Mike. Llyfryn bach du ar gyfer nodi pethau fel llunia neu meddyliau neu beth bynnag sy'n cymryd ffansi y perchennog ydi hwn, sydd wedi ei ddefnyddio yn y gorffennol gan enwogion fel Picasso a Chatwin i fynegi eu hunain mewn ffordd personnol a sydyn. Doedd gennai ddim syniad fod y ffasiwn "draddodiad" yn bodoli, ond rwan dwi'n meddwl y bysai'n syniad gwych cal un arnai. Mae'r llyfr sgets bach pinc sydd gennai yn rhy fawr i gadw yn fy mhoced ac mi fysai'n braf i gael rhywbeth allai ddefnyddio yn sydyn tra ar Enlli beth bynnag. I wneud llunia o ambell i dderyn neu flodyn neu sgwennu ambell i bennill mashwr. Mi wnes i rhywbeth tebyg ar gyfer fy lefel A, lle ddoth fy llyfryn sgets ogwmpas efo mi drwy'r adeg am oddeutu chwe mis. Fydd hi'n braf medru cychwyn hynny eto a chael hel atgofion yr un adeg dwi'n meddwl.

Gwyl Cricieth fory efo Aled gan fod Pala'n chwara yno'n rhywle a wedyn ymlaen i'r Ty Newydd gan fod o'n gweithio'r noson yno. Na, sgennai ddim bywyd unigol ac ydw, dwi yn dilyn fy nghariad i bobman. Ffac off.

I ddyfnderoedd Penrhyn Llyn dydd Sul am de parti efo brodyr Erw i drafod cyfyr albym newydd y Cowbois, gan mai fi sydd yn gyfrifol am y mistimanas creadigol. Cawn fechdannau samon, party rings a jeli coch, oh cawn! Wedyn wythnos i baratoi at Enlli, ymweliad i Benygroes i weld Wil, ac Aaron yn cyrraedd dydd Gwener i gampio rhywle ger Caernarfon efo'i fets felly trip i weld fo hefyd dwi'n tybio.

Mae hwyl i'w gael!

Lemon

2006-06-14T17:49:00.000+01:00

Peth creulon ydi colli ysbrydoliaeth ac awen. Dwi di bod yn trio cychwyn peintio drwy'r dydd a'r oll dwi di fedru ei gyflawni cyn belled a hyn ydi eistedd ar fy nhin yn gwrando ar albyms blwgras gesi'n anrheg gen Iwan echddoe a swigio o botel jin a sugno lemwns. Ma gennai'r syniadau a ma gennai'r dechnoleg, ond dydi'r sbarc ddim yna rhwsut. Y math yma o ffram meddwl sy'n creu cachfa fel arfer. Portreada efo'r lygaid chwith yn uwch na'r dde math o beth, a stwff sydd byth ddigon da i fod werth ei orffen. Tasa gennai stafell gall i gadw ngwaith a mhaent a cael chydig o lonydd falla sai'n fater tra gwahanol, ond fel y mae hi rwan, mai'n shambyls. Gobeithio y gallai amsugno chydig o hyd a lledrith Enlli pan fyddai'n aros yno pen pythefnos ballu a cyflawni campwaith neu ddwy...

... ah bols idda fo.

Pan ddaw yr Haf, fe haliwn y cychod

2006-06-05T22:55:00.000+01:00

Reity-ho mai di bod yn amser hir! Arholiada bellach drosodd, minna'n reit siwr mod i wedi methu cael y marciau hanfodol i basio o leiaf pump ohonyn nhw allan o saith. Sydd wastad yn beth da i neud wrth geisio pasio'r flwyddyn th'gwrs.

Dwi hefyd bellach yn bedair ar bymtheg (ers dydd Sul) ac wedi pwdu braidd efo'r holl syniad o heneiddio. Dim fy mod i'n or-hoff o gael fy mrandio fel llefnyn fenywaidd (be 'di teenager benywaidd yn y Gymraeg heb orfod deud "yn f'arddegau"?) ond mae ganddo fo'i fonysus. A braf oedd cael deffro ar fora fy mhenblwydd mewn tent ger ochr afon efo rhyw lwmpyn boliog yn rhochian cysgu wrth fy ochr a darganfu nad oedd jin y dwrnod cynt wedi chwara hafoc gyda mhen. Mi wnaeth am Gar Gwyllt bendigedig boeth meddwol flwyddyn yma hefyd, ond hefo'r adud bonys o fod yn berchen bwts cowbois tro 'ma (£50 ar sel yn Gaerdydd ar fy ffordd i'r steshwn - y peth gora wnes i erioed!). Yr unig hiccups oedd gorfod mynd a Math adra oherwydd salwch mawr, cario botal o wisgi yn fy mag a hwnnw'n chwalu'n deilchion hyd fy nillad, colli nghamera a chael rhyw idiot yn treial rhoi clec i Iwan am fod ei wallt yn rhy hir. Sydd yn ffein gan fod Math bellach yn ffein, fy nillad wedi eu golchi, fy nghamera wedi ei achub a minnau wedi atal y glec megis yr incredibyl Hylc, yn ol y son. Ac uchafbwynt yr wythnos?

Yr olygfa tu allan i'r Clwb Rygbi wrth i BOB chwarae.

Felly rwan ma gennai Haf cyfan o fy mlaen. Wythnosau o neud be bynnag dwisio, heb orfod poeni am r'un arholiad na gwaith cwrs na darlith am naw. Ag eto, dwi wedi medru osgoi gorfod cael joban gonfensiynol drwy sicrhau digon o waith peintio i gadw fi fynd am sbel. Sy'n golygu fod gennai ddigon o amser i neud y petha dwi di bod isio gyflawni ar yr un pryd. Sef, cyn belled a hyn -

Gorffen y banner Cowbois sydd wedi ei gychwyn ers Dolig mashwr. Wyps.
Cyfyr albym cyntaf Cowbois, hefo syniad bras eisioes wedi ei gychwyn.
Dysgu y bedwaredd Moments Musicaux gan Rachmaninov wedi gorffen dysu Hungarian Dance No.1 Brahms. Fydd genai ddim dwylo ar ol.
Gneud o leiaf pump peinting o'r mor ar gyfer galeri newydd Owens heb golli amynedd hanner ffordd drwy eu peintio.
Treial gorffen y llunia ar gyfer ffilm newydd Hefin (eto heb golli amynedd).
Mynd i Enlli am wythnos efo Aled heb dechnoleg fodern i wneud yr amser yn haws.

Ac wedyn wrth gwrs mae'r Steddfod a'r holl wyliau eraill sydd yn dod efo'r Haf. Fe gawn hwyl flwyddyn yma, oho, fe gawn!

Tipyn o Gymeriad

2006-05-11T23:09:00.000+01:00

Wedi cael fy nhagio gan Wierdo (dwnim sut i greu linc chos dwi'm yn ffan mor fawr a hynny o dechnoleg fel ag y mae hi ac felly rioed wedi cael yr awydd dysgu sut) i greu cymeriad South Park. Wypdi-dw meddai Delyth. Fyswn i ddim ond yn gneud hynny tasa mywyd i'n hollol ddiflas a tasa gennai ddim gant a mil o betha gwell i'w gneud. Felly yn hytrach na jest gneud un ohona i, mi wnes un o Aled hefyd.

Dwi ddim am dagio neb i neud un. Allai'm lincio nhw nallaf.

Rois i fath i'r malwod, Colin a Gary, heddiw. A llosgi ar ben y to yn torheu... ahem, sdydio.

Fini.

Ffoadur Meningitiaidd

2006-04-30T23:31:00.000+01:00

Nagoes, sgennai ddim byd gwefreiddiol na 'thought-provoking' i ddeud. Ond mi ydwi wedi diflasu, ac mae blogia yn cael eu sgwennu yn achlysurol oddi tan dylanwad diflastod. A gan fod y blog yma wedi bod yn hir yn dod, anaml iawn dwi wedi fy niflasu yn yr wythnosau dwytha.

Dwi wedi bod adra, wedi mynd yn ol i Gaerdydd ac wedi dychwelyd yn ol i Llwynhudol unwaith eto yn yr amser sydd wedi pasio. Tra bod adra, gesi ambell noson fel hyn:

Ambell noson arall fel hyn:

Ambell i un fel hyn:

Ac Aled yn cael ambell un fel hyn:

Hihi!

Gesi wisgo ffrog ar gyfer y 'Medic's Ball' yn y Coal Exchange, cyfle i wancars mwyaf y brifysgol wisgo'i fyny a gwario oria yn prinio, dim ond i feddwi'n dwll a cholli gwin coch hyd grysau gwynion a ffrogiau sidan. Bols llwyr oedd y noson, efo minnau yn troi fyny efo uffar o bigiad pryf copyn ar fy moch a hwnnw di chwyddo i ddwywaith y maint, a Mathew yn penderfynnu mynd yn gocls a chael ffrae efo'i cyn gariad a rhwsut neu'i gilydd yn llusgo fi mewn i ganol y ddadl. Gah! Noson wych oni bai am hynny th'gwrs!

Mae'n beryg mai'r digwyddiad mwyaf trawiadol oedd Lucy yn dal Meningitis dydd Sadwrn. Wyps. Mi gwynnodd drwy dydd Gwener fod hi'n teimlo chydig yn anwydog ond dyma rhoi hynna lawr i'r ffaith fod hi wedi meddwi'n dwll nos Iau. Esi am drip i'r llyfrgell i chwilio amdani dydd Sadwrn gan nad oedd neb wedi ei gweld drwy'r dydd, a gan mod i'n berson paranoid, dyma siarsio Courtenay o'r fflat lawr grisia i ffonio security i agor ei drws i wneud yn siwr nad oedd hi yno'n cuddio. Lwcus i mi neud hynny gan mai o fewn rhyw ddeg munud o hynny dyma fi ar fy ffordd i A&E dim ond i'w ffeindio o fewn oriau o farwolaeth. Ers hynny dwi di bod ar dabledi antibiotics am ddeuddydd sy'n troi chwys a pi-pi'n rhyw liw coch rhag ofn mod i wedi pigo'r bacteria fyny ganddi. Sydd yn hwyl, th'gwrs. Ac ma hi'n gwella'n slo bach ar ol bod yn ITU am dridia ar 'ventilator' a dripiau hylif ac antibiotics, druan bach.

Esi weld Dr. John nos Lun yn y Coal Exchange. Odd o'n wyyyych! Dyma chwarae set oedd yn gyfuniad enfawr o 'Dis Dat or D'uda', 'Gumbo', 'Gris Gris' a 'Sipiana Hericane', odd hydnoed yn well. Ond rwan ma gennai nerf sciatic wedi'i ddal yn fy nghoes o ganlyniad i ormod o 'foot-tapping' drwy'r nos damia.

Dwi adra erbyn hyn i sdydio am wythnos cyn yr arholiada. Swni di lecio gneud chydig mwy, ond dyma wastio wicend cyfan yn yr hospitol ac yn bod yn paranoid. Ond dyna fo, o leiaf fod gennai esgus y tro yma dros y diffyg ymdrech!

Am y tro, twdylw!

Blodau Menyn

2006-04-22T15:37:00.000+01:00

Ddoe mi brynis bar o drowsus dynion denim. Heddiw mi ffeindiais i grys mawreddog glas mam o'r saithdegau cynnar. Gydag unrhyw lwc a theclyn cyrlio gwallt mi fyddai'n edrych fel Robert Plant erbyn diwedd y dydd.

Dwi heb neud digon o waith a dwi heb sdydio fawr. Ond ma gennai ffydd y byddai'n ista tu ol rhywun cydwybodol a gweithgar yn yr arholiad. Lawer gwell gennai redeg yn rhydd drwy gaeau blodau menyn.

Nar, Mattoidz a Radio Flyers yn y Ty Newydd heno a ma'r ci newydd biso ar lawr. Bols.

Breuddwydion Coll

2006-04-07T20:50:00.000+01:00

Dwi mewn picl. Ma gennai dri traethawd i'w wneud, gwerth tri chwarter blwyddyn o project assignments anatomy ac arholiad i astudio ata fo. A dwi, mewn true Delyth fashion, wedi penderfynnu peidio gneud dim ohono. Dwi'n gwbod y dylwn i, ond eto ma gennai waith celf i'w fwynhau, a botal Southern Comfort sbeshal yn y Ty Newydd, a diwrnoda efo Aled (yn y Ty Newydd), a chwara piano, a gneud bygyr ol. A ma well gennai neud y petha yna na traethoda a sdydio at betha sgennai ddim diddordeb ynddyn nhw.

Wir, sgennai ddim diddordeb o gwbwl yn y gwaith yma, sy'n wirion braidd o gofio mai fi ddewisiodd y cwrs yma. Ond dwisio gneud llunia damia. Dwisio canfas, a paent, a set newydd o frwshus meddal sgleiniog, potyn o ddwr ac easel. A chydig o oria rhydd i mi fy hun mewn lle tawel, gola efo Tom Waits yn chwara'n ysgafn yn y cefndir. Mmm...

Stiwdio sa'n braf. Rhyw fwthyn bach carreg efo dim ond un stafell fawr a digon o ffenestri ar ochr mynydd yn rwla, efo'r mor yn ddigon agos i'w beintio ar ddiwrnod stormus. Heb na lonydd prysur na dim yn arwain idda fo, a mond cwmpeini y defaid a'r gwynt. Sa gennai fainc yno i wneud fy ngherflunia copor a haearn, a popty i mi gal cyfle i drio gneud chydig o grochenwaith. Sa gennai frwshus paent hyd y lloria, darnau papur wedi'u llenwi efo sgribls a syniada coll a tiwbiau acrylics ymhobman. Canfysus gwyn hyd bob wal, yn barod i beintio, a papura mawr trwchus i mi gal gneud fy ngwaith comishiwn. Ac wrth gwrs sa raid i mi gartio'r hen biano honky-tonk o adra i'w roi mewn cornel, a hwnnw wedi lenwi efo paent a dwr budr di tollti, a photel o gin yn gorffwys ar ei geuad. Ac yna jest treulio fy niwrnodau yno yn peintio ac yn cerflunio heb orfod poeni am orffen yr un traethawd. Sai'n braf.

Ond ellith neb wneud bywoliaeth ar y fath freuddwyd, damia. Trueni fod arian a meddiannau materol yn golygu cymaint heddiw na ellid wir gneud hebddynt, ne swni yno fel fflach yn chwilio am y bwthyn mwyaf anial y medrwn i ffeindio yng nghefn gwlad Pen Llyn!

BB King

2006-04-02T12:30:00.000+01:00

Newydd fod yn darllen blog Ramirez, a ma'i frwdfrydedd i gadw blogiau cyson gwerthfawr wedi fy sbyrio i sgwennu un fy hun... Wele, wythnos o ddownsio, pacio, trafeilio a blws.

Mi gychwynai o'r dydd Sadwrn dwytha. Conyndrym braidd gan fod hi'n benblwydd 19eg Tina a 23ain Cai ar yr un diwrnod, a minna wedi gaddo i'r ddau y byddwn i'n troi fyny rhyw ben. Ddim yn broblem fawr, gan fod Tina'n cael pryd bwyd yn y Spice Quarter yn gynnar a minnau wedyn wedi gallu mynd i gyfarfod Cai hwyrach ymlaen. Y broblem oedd fod Juice a Quinn wedi penderfynnu mynd i China China am fwyd, a minna ffansi mawr mynd hefyd. Felly, dyma guddiad rhag Badger yn fflat Aaron am awr tra fod hi'n gneud ei hun yn barod i fynd i gyfarfod Tina cyn ail-ymddangos wedi iddi adael. Oho, a dyma byta nes oni'n sal yn China China! Cyfarfod Cai a'i griw yn y City Arms wedyn cyn mynd i Copa a Metros.

Dwi'm yn cofio'r wythnos wedyn, arholiad dydd Llun, a ma raid mod iw edi dathlu rhywben. Esi ty Cai nos Fercher beth bynnag, gwylio chydig o ti-fi a glychu'n llodra a nhraed unwaith eto mewn pwll cuddiedig dieflig. Pacio bora dydd Iau, ac off a mi wedyn i gyfeiriad Pen Llyn. Wedi cyrraedd Rheadr, dyma stopio mewn garej i nol petrol cyn darganfu aelod o deulu ochr mam nad oni'n gwbod oedd yn bodoli yn talu am dorth o fara wrth y til. A fonta'n byw dros y ffordd, dyma cael panad yno am rhyw awran tra'n gwrando arno'n son am ei swydd fel rheolwr safle dympio defaid marw i destio am rhyw haint o'r enw 'scrapies'. Tydi'r teulu wedi mynd yn bell dudwch? Ciw mam a fi yn gneud ein esgusodion a cerdded oddi yno yn gwenu a codi llaw tra'n ymbalfalu yn ein bagiau am 'wet-wipes' i sgwrio dwylo!

Am manceinion esi dydd Gwener efo criw o hogia Pen Llyn i weld yr athrylith BB King. Medda hi mewn ffordd laid-back ysgafn. NESI WELD BB KING!!! Wiiiiiii!!! Odd o'n wych! Gary Moore yn one trick pony braidd, predictable a tedious, ond waw - BB King! Wedyn clwb jazz yng nghanol y ddinas. G&T's, a grwp jazz hollol cwl mewn lle bach coch, tywyll, a dwi o'r farn bendant mai llefydd coch, tywyll di'r llefydd gora i wrando ar jazz! N'ol i'r hotel dim ond i wrando ar rhochian Math am weddill y noson wedyn... Erbyn cyrraedd adra, oni'n barod am joch o chwisgi, ac felly y bu yn y Ty Newydd tra fod Pala yn chwara yn y cefndir, Iwan yn gwasgu fy nghanol bob pum munud a Dafydd yn stymblo ogwmpas y pyb yn gwenu'n braf! Ohoho, hwyl mawr!

Adra ers hynny. Cysgu, chwara oria o biano (sy'n braf wedi tair mis o beidio medru chwara heb gal galwadau ffon dirifedi yn deuthai am gau fy mhen) a cosi bol y gath (ac Aled hehe!). Y plan ydi mynd i weld Aled fory yn Erw a mynd i weld Wil pnawn dydd Iau yn Ysgol Dyffryn Nantlle i ddeud helo. Fydd parti 50ed dad nos Sadwrn, ac felly gai weld pawb o'r teulu, a hen ffrindia dad, bob un wan jack yn hollol boncyrs! Entertainment provided by the Cowbois a dau o hen fandiau dad hehe! Fydd Quinn, Juice ac Aaron yno (a falla Cai) yn ogystal - mai'n gaddo bod yn noson i'w gofio!

Dwi di bod yn ddiwyd yn postio llunia'r flwyddyn ar flickr o'r diwedd- http://www.flickr.com/photos/sili - joiwch!

Gwbei!

Cnau Mwnci

2006-03-24T10:39:00.000Z

'Mai.

Gesi'r profiad hynnod rhyfedd ddoe o weithio yn yr uned Neonatal yn hospitol Llantrisant. Ma'n agoriad llygad mawr gweld bywyd dynol mewn ffigyrau pinc bychain wedi'u rhwymo mewn tiwbs a gauze, yn y ffaith fod o'n gneud i rhywun feddwl ar un law pa mor angheuol ydachi mewn gwirionedd, ac ar y llaw arall gymaint y gellith y corff dynol ei ddioddef. Pedair ar hugain wythnos oed oedd y babi lleiaf yno, a'i thraed bach yr un maint a blaen fy mawd, heb y gallu i agor ei llygaid na chrio, dim ond strancio yn erbyn y peipiau a ddoi o'i cheg, ei thrwyn, ei breichiau a'i choesau. Gesi weld tiwb 15cm o hyd yn cael ei weithio i fyny drwy gwythien yn ei choes drwy ddefnyddio nodwydd a par o forceps, heb anasthetig a llaw y nyrs yn ei dal rhag symud. Odd o'n amhosib dychmygu fod y fath greadur yn gallu teimlo poen nes iddi hi gychwyn strancio a chicio wedi i'r nodwydd weithio'i hun mewn i'w choes a hwnnw'n gwaedu 'tha mochyn wedyn. Druan bach. A dim ond rhyw 50-65% o siawns sgen hon i fyw wedi iddi gyrraedd rhyw oed penodol.

Gesi afael yn un o'r babis yma, a hwnnw prin angen dwy law i'w ddal. Odd o'n edrych fel rhyw fath o ffilm prob, oni'n gallu dychmygu gneud rhywbeth tebyg allan o latex a phaent adra. Oni bai fod o'n gneud stumia ac yn syllu arnai allwni ddim ei ddychmygu fel plentyn i neb. Peth uffernol i ddeud ond odd o'n brofiad rhyfedd iawn. Un o'r placements sydd di gneud i fi feddwl fwya dwi'n credu.

Ac felly yn sgil yr agoriad llygaid hyn, esi i ty Cai am banad i wylio'r Cowbois ar Bandit a'i wylio fo'n mygu.

Beryg y gnai ffec-ol eto. Gwrando ar 'Songs Of Love and Hate' gan Cohen a trio gneud chydig o waith sdydio wrth gladdu bag arall o gnau mwnci o Tescos. Ffonio Aled ac ymddiheuro am be bynnag ddudis i neithiwr a'r wythnos ddwytha 'ma a deud yr un peth eto fory. Ista yn gegin fflat tri, ty-Pi ar y gadair chwd yn gwylio sothach ar y teledu fel esgus i beidio gneud dim arall cyn mynd i gwely am hanner nos a methu deffro'n iawn y dwrnod wedyn tan mai'n amser mynd i gwely eto. Rol on.

Kronenburg Blanc

2006-03-21T10:57:00.000Z

Peth cas ydi'r teimlad annifyr hwnnw dachi'n gael pan dachi'n gwbod fod chi am ddod lawr efo rhyw afadwch yn hwyr neu'n hwyrach. Rhyw deimlad di-fynadd, cysglyd a blin efo bob dim yn sgwilgli o'ch cwmpas. Sy'n ffein, dwi'n haeddu hyn ar ol giamocs wicend dwytha.

Esi i Aber dydd Iau, yr un hen drefn o droi fyny yn y steshwn dri chwarter awr yn fuan gan mod i'n annobeithiol efo amser ac yn casau bod yn hwyr i unrhyw beth. Sydd wastad yn golygu mod i'n gwario 99% o'm hamser yn aros i bobl a phethau erill ddal i fyny efo mi. Ond dyna ni. Oni'n reit bles unwaith y cyrrhaeddodd y bws gan fod na hen ddyn du 'portly' yn mynnu fy serinedio efo 'My Dingaling' gan thrystio'i grotch yn fy nghyfeiriad cyffredinnol am rhyw ugain munud cyn laru a cherdded i ffwrdd dan ganu'n groch. A wedyn dynes yn trio cynnal sgwrs am sut yr oedd hi di troi yn "more of a sandwich girl in the past week". Dydd Gwener, gesi fynd i'r Llew am beint ne ddau efo Tegs a Dafydd a'r lleill tra fod Al mewn seminar cyn cael lifft adra i Bwllheli gan Marsli-pan.

Ma bod adra yn braf ar ol wythnosa o weithio a diota yn y brifysgol. Oni wedi bwriadu wicend o ymlacio a gweld y teulu, cyn picio i Ty Newydd nos Sadwrn. Ac felly y bu tan peint yn ormod o Kronenburg Blanc, lle nad ydwi'n cofio be ddigwyddodd wedi hynny, mond mod i wedi cael KO ar lawr top y dafarn mewn pwll o chwd. A chwara piano gan ganu'n uchel. Ac anghofio fy mag. A deffro Sian unwaith oni'n ol yn Erw. Lyfli. A gyda'r hangover mwyaf yn hanes y byd erioed dydd Sul, gesi orffen fy ngwaith cwrs Alimentary. Bellach dwi'n ol yn Gaerdydd (Ar ol rhanu tren efo'r cwpwl o enethod mwyaf swnllyd erioed) ac yn barod i fynd n'ol i Ben Llyn am y Pasg. Sgenai mo'r amser i fynd allan lawer ar y funud, ac felly mae apel aros yn Nhalybronx yn dirywio'n araf bach bach. Bygyr.

Llodrau Gwlyb

2006-03-14T14:35:00.000Z

Mai'n bwrw yng Nghaerdydd heddiw. Bellach ma nhraed yn socian a'n llodrau'n dripian. A minnau wedi dewis galifantio o gwmpas y ddinas yn fy nghonfyrsus pinc. Wel, duon erbyn hyn mae'n rhaid cyfaddef. Sdim syndod wedi tair mlynedd solat o'u gwisgo mae'n siwr.

Ma'n llgada i wedi bod yn hynnod temprimental yn ddiweddar hefyd, a dwnim os mai oherwydd y tywydd tamp ydi hynny'n bennaf. Er dwi di diodda efo'n llgada erioed, a wastad yn cario twbyn bychan o ddrops arbennig efo mi i bob man, ma nhw di bod yn cosi llawer iawn mwy ers rhyw dridia bellach. Trip i weld r'hen Gi-Pi ben bora fory dwi'n meddwl.

Ma'r wythnos dwytha di bod yn braf. Esi Aber dydd Iau i weld yr yddyr haff, a'r bobl neis Arriva wedi penderfynnu amnewid y bws fawr gyfforddus arferol am fws-cyffredin-seti-caled. Felly gan fod dydd Iau dwytha y diwrnod oeraf o bosib yn hanes y byd erioed, a minnau, y jeniws yr ydwyf, wedi dewis eistedd yn y set flaen, oni wedi rhynnu'n llwyr erbyn cyrraedd Abertawe. A gan mai bws-seti-caled oedd o, nath y glorified horse tranquilizers o Bwts (tabledi sal car) ddim cael yr effiath arferfol o wneud i mi rochian cysgu yr holl ffordd i Aber. Delyth blin a gafwyd y noson honno.

Ond na fe, roedd gweddil y penwythnos yn wych. Lot o gysgu, ymborthi a diota. A ma'r wythnos yma wedi bod yn ddigon tawel hyd yn hyn. Dim ond cwpwl o ddarlithoedd y diwrnod, sy'n gadael jest iawn digon o amser i mi drio gorffen gwaith cwrs Alimentary fi cyn dydd Iau (trip arall i Aber ac adra wedyn erbyn dydd Sadwrn). Siawns i fyned i weld Hefin Trouble yn y Ty Newydd a gweddill rabscaliwns erill Pen Llyn yno debyg.

Oh well, ma gennai waith dysgu histology Alimentary fi rwan, felly peryg fydd raid i mi ymadael a chwi oll. Nefyr maind.

Petrol, Caws a Nionod

2006-03-08T10:15:00.000Z

Ma gennai waith Homeostasis i gyflawni erbyn diwedd heddiw cyn gadael am Aberystwyth nos fory. Gorfod ysgrifennu am effeithiau Statin tra'n gweithio fel "HMG-CoA reductase inhibitor" a'i effeithiau ar lefelau cholesterol yn y corff wrth ddilyn data yn unig. Mochyndra llwyr. Rhois i gynnig arna fo neithiwr cyn mynd i'r sinema, ond heb fawr o lwyddiant gan mod i'n gallu ffeindio nifer o bethau llawer iawn gwell i neud ar y we. Dwi'n siwr fod Mathew wedi neud o'n barod, geith o neud o i fi.

Esi weld Syriana neithiwr efo criw ty-Pi. Ffilm gwd, chydig yn conffiwsing ond diddorol iawn. Yr unig beth lwyddodd i dynnu sylw Delyth drwy gydol y blydi ffilm oedd yr oglau oedd yn codi o'r dyn o mlaen i, a hwnnw'n gymysgfa o ddrewdod petrol a creision caws a nionod. Ychapych. A Lucy deintydd yn rhochian cysgu wrth fy ochr th'gwrs.

Rhyngol wedi mynd a dod a hwnnw'n wicend wych! Fe fyddwn i'n lawrlwytho'r llunie yma, ond dwi di anghofio'r camera. Gyda gobaith, fyddai wedi llwytho bob dim ar Flickr unwaith dwi'n mynd adra pen pythefnos. Beryg fod gennai dros 500 o lunie i fynd ar y wefan erbyn hyn. Nai ychwanegu linc i'r blog unwaith fyddai wedi gorffen. Beth bynnag, Callaghans nos Wener a'r undeb gachu-rwtsh nos Sadnwrn. Y swn yn rybish ar y llwyfan ond y bandia i gyd wedi chwarae'n dda amwni a minnau wedi cael hwyl fawr yn gwylio Tegid annwyl ar yr harmonium fel rhan o set Pwsi Meri Mew hehe! Esi weld Artes Mundi pnawn dydd Sadwrn yn yr amgueddfa. Gyda gobaith, gai wario fwy o amser yno wythnos nesaf i mi gal gweld bob dim yn iawn heb i'r bobl dwi efo ddiflasu'n llwyr...

Gwaith heno. A parti Kay. Ffansi dres. Morladron. Ychafi.

Bols i'r gwisgo fyny. Dos na'm byd gwaeth na grwp o stiwdants/pobl ifanc/pobl cannol oed/hen bobl yn disgyn mewn drwy ddrws y pyb yn gweiddi'n groch mewn wigs enfawr a par o fronnau/mwstash plastic efo pawb arall yn trio cael drinc tawel. Felly mi wisgai fy nillad arferol, ac mi gerddai rhyw ddeg troedfedd tu ol i bawb arall yn y gobaith na neith neb fy adnabod. Oni wedi bwriadu mynd i'r Goat i'r cwis efo Cai, ond nath Kay wylltio pan glywodd hi, felly beryg fod hynny allan drwy'r ffenast. Bols.

N'ol adra rwan, falle fydd fy ngwely dal yn gynnas ers bora ma.

Tixylix

2006-03-02T17:22:00.000Z

Dwi wedi canfod ffaith holl-bwysig. Mae Ribena Blackurrant & Cranberry yn blasu union r'un fath a'r diod tagu, Tixylix. A gan mod i wedi bod yn ffan reit fowr o'r cyffur hynnod flasus yma yn fy nydd, dwi rwan yn addicted i Ribena. Sydd yn ddrwg i'r dannedd, ond yn gneud Lucy ty-Pi yn ddeintydd hynnod, hynnod hapus.

Dwi hefyd wedi dod i'r canlyniad mod i'n casau eira ac fod hyn wedi fy nhroi yn unigolyn reit sur. Bah! Dim ond gobeithio fod bysus Rhyngol yn saff a fod Aled ar un ohonyn nhw. A mai'n rhy oer, a dwi angen cerdded i'r sinema i weld Capote heno efo Cai a Criddle. Falla gneith am beint i gynesu fi ar y ffordd adra. Gan obeithio fod Dempseys yn gwerthu Ribena, hynny yw.

Ymddiheuriadau

2006-02-24T10:20:00.000Z

Mae Delyth wedi bod yn meddwl. Beryg fod y blog yma'n hollol ddiflas i'r rhai sydd ddim yn adnabod y bobl na'r llefydd dwi'n son am. Ymddiheuriadau mawr am hyn. Ond dwi'm yn darllen y Western Mail a sgenai ddim barn cryf ar ddim y bysa gennai fynnadd son am yn fama heb i'r holl flog droi'n un rant mawr hir (a dwi di gneud yr anti-stiwdant rant beth bynnag). A dwi'n cael digon ar neud gwaith meddygol drwy'r dydd heb son am sgwennu amdana fo yn fama fyd.

Beryg fod chi braidd yn dwp i gario mlaen i ddarllen yma a chithau'n cael eich diflasu'n llwyr wrth wneud. Mai conshyns is cliyr.

Ynfytyn

2006-02-20T15:36:00.000Z

Wedi postio'r blog ddwythaf, cefais gic owt o'r stafell bioscience yn unionsyth. Wedi ffeindio nad oedd hi mor oer a hynny allan oni'n reit fodlon, ac felly dyma sefyll yn y glaw am dipyn yn gwenu fel giat ar y ddynes tu ol i ddesg y porter tu fewn. Mi gymrodd cryn dipyn o amser a cherdded n'ol a blaen tu allan i'r adeilad cyn medru gneud penderfynniad pendant ar lle i fynd nesaf. Doedd gennai ddim awydd mynd n'ol i ty-Pi dim ond i eistedd ar fy nhin am ychydig oriau felly cychwynnais am Queen's Street.

Peth braf ydi medru teimlo'n hollol rhydd a didol o bawb a phopeth, a hynny yn y glaw. Mai wastad yn fy niddori gweld yr holl wynebau gwahanol wrth gerdded drwy strydoedd Caerdydd, ac felly cefais fy niddanu am dipyn yn gweld pawb yn cau i fyny am y noson ac yn hel am adre. Odd gennai rhyw how awydd cerdded i'r Bae yn y glaw, jest er mwyn cael lle i fynd a meddwl am dipyn heb orfod ystyried arholiade wythnos nesaf, na gwaith na'r prysurdeb sydd yn ran o fywyd yma.

Dwi'n siwr mod i wedi anghofio'n llwyr lle'r oni ac wedi colli unrhyw ystyr o amser gan i mi ddod at fy hun wrth gerdded mewn i'r Goat (mater o habit mae'n siwr!), wedyn gorfod gneud sin mawr mod i wedi anghofio rhywbeth a cherdded oddi yno, dignity intact. Erbyn hynny, onisio bwyd ac odd gennai ddwr yn fy sgidiau, felly am adre a mi. Cafodd Aled alwad ffon sydyn tra mod i'n cerdded ar hyd y lon fawr, a fonta'n meddwl mod i wedi bod yn yfed.

Oni'n socian erbyn cyrraedd fflat 3, wel and trwli. Ac yn difaru peidio cerdded i'r Bae am sgowt. Ond gesi sychu nillad ar yr hers tra'n gwrando ar Cohen, dal yn gwenu'n braf ac yn teimlo'n hollol fodlon fy myd.

Dwi'n ama fod hyn i gyd wedi dod yn sgil Aled yn fy ngalw'n sgwar ychydig ddyddiau ynghynt. Dwi'm cweit yn gwbod be i neud o'r fath honiad, ac felly dwi'n teimlo'n reit anniogel ar y funud. Mae o'n wir fod na rhywbeth ar goll, a dwi'n meddwl yn siwr mai'r diffyg gwaith celf mawr ydio. Tasa gennai ddigon o amser dim ond i neud ambell i gerflun neu beinting dwi'n meddwl swni'n llawer mwy bodlon. Ond rhwng y gwaith meddygaeth a'r cymdeithasu, dwi'n reit styc o ran asmer i mi fy hun wedi mynd. Fydd hi'n braf adeg yr Haf pan gai fynd i Enlli am sbel efo Aled i yfed gwin coch a peintio drwy'r dydd mewn tawelwch. Ond dyna ni, tan hynny fydd raid mi jest fwy efo bod yn fwy "sgwar" na'r arfer mashwr. Pfft.

Cafodd y Clwb alwad ffon gennai bora ddoe yn gofyn am ddau docyn i weld Jeffrey Lewis.
"You don't need to buy one now, don't worry," meddai'r llais ar yr ochr draw. "There's plenty of tickets left, you'll be fine just turning up at the door and buying one then."
Felly dyma Delyth yn troi fyny efo Aaron wrth ddrws y Clwb i brynu ei thocyn dim ond i'r bownsar droi rownd a deud fod nhw gyd wedi gwerthu allan gan mai dim ond pymtheg oedd ar ol y bore hwnnw. Www, oni'n flin. Esi'n syth i Dempsey's i feddwi'n geiben cyn i mi weld fod Criddle yno'n barod efo'i griw. Daeth y syniad cyfrwys o smyglo'r ddau ohona ni i mewn, ac felly y bu. Tra mod i'n cuddiad tu ol i gysgod Geraint, cafodd Aaron ei ddal allan, druan bach, a gorfod mynd yn ol i ty-Pi yn unig. Ond esi'n syth i gadw fy nghot ar ol Mair, a sylwodd neb ar fy jeniws. Noson dda, Jeffrey Lewis yn wych!

Dwnim be nai heno. Beryg y byddai'n cael fy ngorfodi i fynd i Creation efo Lucy gan fod hi newydd sefyll arholiad wael iawn. Ond mi driai esgusodi fy hun. Llawer iawn gwell yw'r pybs. Ella ai am dro arall yn y gwynt a'r glaw a glychu'n sanna a dal annwyd eto. Dwi'n ddigon o ynfytyn weithie.

Dwylo Piws

2006-02-19T16:29:00.000Z

Help. Dwi'n styc yn stafell gyfrifiaduron bioscience ar ben fy hun bach am 4:10 y prynhawn. Ma'n jins i'n drewi o smocs noson gynt, ma nhrwyn i'n rhedeg a ma nwylo i'n prysur troi'n biws. Ma na swn hynnod anffafriol yn dod drwy grac yng ngwaelod y ffenestr gyferbyn sy'n fy atgoffa o gerdded drwy Marina Pwllheli fin nos efo'r gwynt yn chwythu drwy hwyliau'r cychod. Ychapych. Ac felly dwi wedi dod i'r canlyniad fod hi'n llawer rhy oer i fynd adref.

Newydd sefyll arholiad Cardiovascular Respiratory online. Wedi pasio. Gwych.

Mae Aled wedi gadael am Botwnnog a cinio dydd Sul poeth hyfryd Sian. Ond odd o'n flin wicend yma (o ganlyniad gorfod dreifio drwy Gaerdydd a thua Barry erbyn iddo fynd ar goll yn llwyr...) felly dwi'n gobeithio y gneith o losgi ei dafod ar y grefi. Peth cas. Ath recordio Cowbois yn stiwdio Bandit yn gret mwn. Wedyn i China China ac i'r Goat am ale. Y brodyr Hughes wedi blino gormod o'r noson gynt a'r siwrna lawr yma i wneud dim arall a minnau'n barod i feddwi'n geiben a bod yn niwsans damia. Felly n'ol i'r hotel am hanner nos fuodd ein hanes, a minnau'n rhannu stafell wely efo dau frawd cysglyd a'r bylbiau wedi ffiwsio tra fod Dei Llwgr yn cael stafell ei hun, y diawl lwcus.

Aros yng Nghaerdydd wicend nesaf dwi'n meddwl. Ma genai arholiad ar y bore Llun canlynnol ac mae Ian yn dod adref o Thailand. I Aber wicend wedyn i weld Mari a Tegid annwyl (a'r cariad th'gwrs) ac wedyn gan fod genai hanner dydd Iau yn rhydd a drwy dydd Gwener, dwi wedi penderfynnu dal y bys i Aber y noson gyntaf, ac wedyn dal y tren i Bwllheli i weld y teulu gan fod y chwaer efo gormod o waith i ddod i ngweld i hanner tymor yma aminnau'n gweld hi'n chwith hebddi. Mae Al yn 21 yr wythnos yma, felly dwi'n goebeithio medru cael o i ddod efo fi iddo gael ei anrheg sydd ar ei ffordd i Bryn as wi spic. Ac wrth gwrs i weld Hefin Trouble a sut lanast sydd yn Nhy Newydd bellach! Wedyn i Aber wicend wedyn i weld Aled cyn iddi droi'n wylia Pasg arnai. Mae'r flwyddyn yn fflio pasio, gesi sioc a hanner gynna wrth drio sortio'n amserlen allan. A dim ond pedair blwyddyn arall o hyn ar ol. Wypsis.

Mae'r tri oedd efo fi gynt wedi mynd n'ol i ty-Pi, ond mae'r swn lot rhy annifyr felly mi arhosaf yn fama nes diflasu'n llwyr beryg. Sgenai fawr o ddim gwell i neud. I'r Clwb heno i weld Jeffrey Lewis efo Criddle, ond falle fyddai'n rhy oer. Swni'n berson clyfar, swni di dod a sgarff. Swni'n glyfrach fyth, sa gennai bar o menyg. Bygar.

Rhosyn Coch

2006-02-15T12:25:00.000Z

Dydd Mercher a dwi'n barod am y wicend. Ma cymryd dau ddiwrnod yn rhydd oddi wrth grafangau gwaith yn beth drwg i'r system a minnau i fod yn dragwyddol ddiwyd.

Dydd Mercher dwytha dyma mynd i weld Kitson yn y bae. Odd bron i mi lychu fy hun sawl gwaith - ma'r dyn yn jeniws! Cychwynnodd y noson a minna mewn hwylia reit ddrwg o ganlyniad i Lucy yn mwynhau ei hun llawer iawn gormod yn Tescos ac o ganlyniad yn anghofio ei dyletswyddau fel prif-gogyddes fflat tri, ty-Pi. Felly llwgu fuodd hanes Delyth wedi i mi sylwi beth oedd yr amser ac y byddai Cai a'i griw yn aros. Cyrraedd y bae ac i'r pyb cyn hel am y Glee Club. Tydi byta dim drwy'r dydd oni bai am un fanana frown ac yna yfed potel o win coch a rhyw ychydig o G&T ddim yn syniad da, ond hwyl fawr a gafwyd yno cyn hel yn ol am ty Cai, gwylio Blackadder ac yna stymblo n'ol adref i ty-Pi. Gwd wyrc.

Dydd Iau dyma codi tua 6 i fynd i Bridgend am y trydydd clinical placement a minnau'n teimlo'n reit sal a blinedig. Yn A&E oeddwn i, a hwnna'n reit ddiflas, fel yn wir yr oedd gweddill y dwrnod. Ac fel yr oedd dydd Gwener hefyd. Clirio ar gyfer ymweliad Aled gan nad oeddwn i'n medru gweld llawr fy llofft nac ychwaith yn gallu agor drws y toilet wedi mynd. Ond odd hi'n neis cael cwpwl o ddiwrnodau reit dawel ar ol miri meddwol y nosweithiau gynt.

Dydd Sadwrn - Aled a'i fand yn cyrraedd (gyda phresenoldeb Dafydd Nant, Mari, Rich, Marsli, Sion a Huw yn ogystal yn cael ei werthfawrogi'n fawr!). Eryr yn chwarae'n y Clwb, a nhwtha on ffwl fform! Gesi griw go fawr o Talybont i ymuno a ni yno, a pawb wedi mwynhau o be dwi'n weld!

Y sioc fwyaf i bawb o Talybont oedd fod Aled ym medru canu!

I'r llawr waelod tra fod Vanta'n chwarae i glywed yr Idle-one a Mair yn DJ-io yn hytrach na Spleen yn DJ-io ar y llawr uchaf. Chydig o bwgi, chydig o siarad, chydig o yfed a chydig o gael abiws gan Jason. Noson dda iawn! Dyma chydig o lunia o'r noson (neu o leiaf gymaint ag allai roi cyn i system y brifysgol farw arnai) -

Jason a fi wedi iddo fo alw fi'n "fasdad" am o leiaf deg munud

Cai a myfi

Dau ddyn blin yn mwynhau y foment

Aled, Mari, Rich, Marsli a Dave

Noson dda (oni bai am y byrgyr a sglods gesi wedyn ar ol cyrraedd n'ol a theimlo'n sal am weddill y noson).

Y bore wedyn, gesi hanesion lu am straeon Huw a Rich i weddill fflat 3 ar ol i mi ag Al fynd i gwely. Roedd y ddau wedi penderfynnu cysgu ar lawr y gegin, ac roedd Rich yn amlwg wedi mwynhau ei hun yn fawr wrth ddychryn y genod drwy ddeud ei fod wedi cael ei dreisio gan deigr cyn dangos y stretch-marks symmetrical ar ei fol hehe!

Dydd Llun, nesi anghofio walet wedi cerdded i dre efo Aled. Wedyn ffeindio nad oedd ganddo fo bres yn y banc. Wedyn ffeindio fod hi'n bedwar a mod i isio bwyd. Bygar. Ond cefais bres gan yr annwyl Lucy a cefais weld Euros Childs yn Spillers a dyma Al yn penderfynnu aros am ddiwrnod ychwanegol. Splendid!

Diwrnod diog eto ddoe (oni bai am orfod codi cyn Lucy i roi rhosyn coch Valentines yn ei chwpwrdd fel ffafr i Sam). Aled wedi mynd a fflat 3 yn wag rwan efo pawb yn gweithio a minnau'n gwylio'r teledu lot gormod wedi mynd. Esi i'r cinema i weld Walk the Line efo Cai, Dafydd a Criddle a glychu'n llwyr ar y ffordd n'ol fel mod i wedi dripian hyd fy ngwely wedi cyrraedd fy stafell ac wedi cael cwsg reit anghyfforddus. Ma genai anwnyd ar y gweill rwan, ynghyd a practical report CVR i orffen a'r cynnig am owting i'r Clwb heno. Hmm... beryg y bydd raid i gwaith gymryd blaenoriaeth am weddill yr wythnos go damia.

Buwch Goch Gota

2006-02-08T11:59:00.000Z

Ma genai gwyn i neud. Nid yn fawr, nac ychwaith un bwysig ond un sydd dal yn llwyddo i nghynddeirio i bob tro dwi'n agor acownt hotmail fi. Blydi Bebo. Ol of a sydyn, ma pob un Dic, Sion a Hari'r byd (a'u brodyr) yn agor acownt Bebo ac am rhyw reswm, yn mynnu gyrru email i mi yn deuthai am y peth. Dwi'm yn mynd i sbio ar acownts chi, dwi'm yn mynd i iwsio acownt fi fyth ac yn sicr dwi'm isio email yn deuthai bob tro ma nha rhywun yn adio llun i acownt nhw. Ma genai betha gwell i neud diolch yn fawr iawn i chi gyd. O leia dwi'm yn gorfod siarad efo neb gyda'r acownt Flickr, a ma hyd yn oed hwnnw wedi mynd yn stel wedi mynd ers i mi ffeindio nad ydi hi'n bosib i lawrlwytho llunie o system cyfrifiaduron y coleg feddygol. (Ac i rwbio halen yn y briw, ma hyd yn oed Aled wedi agor acownt rwan, a minnau'n meddwl fod o'r person lleiaf tebygol i neud gan fod gen yr hogyn rhyw how gomon sens weithia.) Yr unig bobl sydd yn debygol o adio fi i'w rhestr ffrindiau ydi'r pobl sy'n gwbod rhan fwyaf o bob dim amdanai a'r bobl dwi'n adnabod yn iawn, ac felly pam ffwc swni angen cadarnhau be di'ch "pryd bwyd ffefryn" chi? Mae o'r math o beth swni di neud yn bymtheg oed, allai'm dod a fy hun i wirioni dros y fath beth rwan, sori. Och, falle mai fi sydd yn bod yn flin ag yn bitter tuag at y fath dechnoleg fodern. Ond mai'n blydi soul-destroying pan dwi'n mynd i hotmail, ffeindio fod genai rhyw bymtheg emails newydd (fel heddiw), cynhyrfu'n lan fod na bobl isio siarad efo fi, ac wedyn ffeindio fod wyth o'r rheini gan y gwarth yr ydi Bebo. Ond dyna ni, rant drosodd.

Dydd Sadwrn. Dempseys am ddeuddeg i wylio'r gem efo Cai ac Aaron, a chyfarfod Criddle and co yno. Gah! Nuff said.

Rhyw fath o pyb crawl wan wedyn ogwmpas y ddinas a minna'n eithaf meddw erbyn y diwedd. Cai yn colli mynedd tua hanner nos, ac felly'r ddau ohona ni'n mynd tuag adref, y fi gyda cleisiau ar fy nghefn lle gesi'n ngwthio oddi ar lin Geraint dim ond i rowlio megis buwch goch gota boliog goch ar fy nghefn yn chwifio nghoesa.

Pictiwrs Yn Y Pyb nos Sul ar ol deffro hanner dydd i sylweddoli mod i heb sdydio at yr arholiad Clinical Intergrative. Felly sdydio tan chwech, a llusgo'n hun i Dempseys efo Cai wedyn, a fonta'n gofyn ambell i gwestiwn ar anatomy myochardial ischameia i mi rhwng y fflimiau. Odd fawr o help o gysidro mai cwestiynnau ar acute pancreatitis a hypovalemia gesi yn yr arholiad. Bols. Ond noson dda, ac adra'n fuan i mi gael sdydio chydig mwy (tra'n gwylio'r Texas Chainsaw Massacare ar S4C).

Ast o arholiad bore dydd Llun, unai fail dda neu pass gwael dwi'n tybio. Ac felly o ganlyniad i hyn, dyma fi a Mathew yn hel hi am y Goat erbyn unarddeg yn syth wedi'r arholiad ac yfad ein hunain yn racs jibiders. Ar ol mynd i rhyw ddeg pyb gwahanol, dyma penderfynnu mynd i'r sinema i weld Munich, a pwy oedd yno ond Idelington in ol his glori! Wedyn adref i gael bwyd gan Lucy (swni'n sgerbwd erbyn hyn tasa hi ddim yno i gwcio i mi a gneud fi'n foliog) cyn hel hi allan am naw eto. Dwi'm yn cofio be ddigwyddodd. Dwi'n cofio mod i wedi mynd i Cantaloop, wedi gwylltio efo prisiau'r diodydd, ac felly wedi mynd i rhywle arall efo Mathew, Aaron, Nick ac Emily. Aparentli (yn ol 'sent messages' yn fy ffon y bore wedyn) gesi lond bol o triple White Russians (y cynhwysioni gyd mewn glas peint) am sbel ac rhwsut neu'i gilydd nesi landio yn Creation. Aparentli gesi'n strip-searchio (be ddiawl di hynny yn y Gymraeg?) wrth y drws cyn i mi weiddi abiws ar y ddynes oedd yn tynnu fy inhaler yn ddarnau i chwilio am gyffuriau, cyn gweiddi abiws ar y bownsars am beidio gadael i mi wisgo nghot i fynd fyny'r grisia. Aprentli esi Tescos am bedwar y bore a prynu bechdan wy cyn cuddio yn fy llofft. Wps.

Nesi ddeffro am hanner awr wedi dau y prynhawn ddoe yn sal. Iawn. Ond gafodd y criw ohona ni sy'n symud i mewn efo'n gilydd flwyddyn nesaf arwyddo'r dogfennau ar gyfer ein ty felly o leiaf mae hynny allan o'r ffordd rwan. Oni'n Gatekeeper erbyn 7 efo criw Cai yn aros i gael mynd i weld Crimea yn Clwb Ifor. Odda nhw'n wych! Wirioneddol wedi mwynhau y noson, cyn mynd adref am unarddeg, ffonio mam, ffonio Aled, gwlltio efo Aled (neu yn hytrach cymryd fy nhymer allan arna fo, druan bach), mynd i gwely i bwdu, disgyn i gysgu.

Dwi am fynd i'r Bae heno i weld Daniel Kitson yn gneud ei stand-up yn The Glee Club efo Cai a Dafydd, rhyw bump o bobl erill dwi'n hanner nabod a rhyw saith o bobl na sgenai ddim syniad pwy ydyn nhw. Mai'n gaddo noson dda.

Larwm

2006-01-31T15:15:00.000Z

Gah! Dwi ar goll yn llwyr heddiw! Mai di mynd o un peth hollol conffiwsing i'r llall a ma mren bach i'n gwegian erbyn hyn oddi tan yr holl bwysa!

Nesi waith cwrs maths neithiwr. Cychwyn am 7 a gorffen am 12. A dwi dal ar cwestiwn 3 allan o 10. Ond bygro fo medde finna a'n llygaid i'n groes o flaen sgrin y laptop, af i wylio ffilm ynlle. Dim y syniad gora erioed ma Delyth wedi gael a hitha wedi gneud smonach llwyr o ol-neitar noson gynt ac erbyn hyn hefyd yn hollol flinedig o'r holl waith (ac wedi yfed 3 blydi carton cyfa o sudd ffrwytha, y ffwl). Ond na fe.

Bob bora, ma genai rwtin o ddeffro i'r larwm gyntaf ar y cloc mawr am 7:30, wedyn ail-ddeffro i'r larwm ar fy ffon am 7:45 cyn gneud fy hun yn barod ac allan o'r ty efo Heena am 8:20'n brydlon. Deffro bora ma i ddistawrwydd llethol. Doedd yr alarm heb ganu nac ychwaith fy ffon a doedd dim siw na miw yn dod o stafell wely Heena gyferbyn. Nesi edrych ar yr oriawr sgenai (sy'n edrych fwy fel dashboard jaguar na watsh) a sylwi fod hi tua 8:20. Hmm. Beryg mod i wedi methu dau ddarlith gyntaf y dydd meddylies inna (dwnim pam, does dim sens yn y peth!) gan ystyn i n'ol y cloc larwm mawr. 3 o'r gloch medda'r cloc yno efo'r larwm di osod i 12. Duw a wyr be nesi neithiwr idda fo ond dyna ni. Y ffon oedd y "next port of call", a hwnna'n darllen 8:18 a'r larwm wedi osod ar gyfer 7:45 pm. Ar y pwynt yna dwi'n meddwl fod fy mhen wedi bod mor sgwigli mod i wedi trio cael fy hun yn barod yn awtomatig, achos aparentli nath Heena ffeindio fi yn stymblo fyny a lawr coridor ty-Pi'n griddfan efo brwsh dannedd yn hongian gan ddriblan o fy ngwep a minna heb drowsus yn sbio ar ddrysa'r fflatmates. Ar ol egluro mod i bron a crio o'r holl gonffiwshyn peth cynta'n bora, dymai'n mynd i n'ol fy sgidia a banana o'r cwpwrdd i mi, chwara teg iddi, tra mod i wedi donio trowsus a cap.

Odd y ddau ddarlith gyntaf yn crap. Yr ail yn bennaf. Darlith ar yr arennau (The Loop of Henle tw bi ecsact) gan rhyw foi yn ei 60au sydd yn amlwg yn dioddef o Parkinsons ac yn cymryd saib 10 eiliad rhwng bob gair. Sydd falle chydig yn harsh, ond mae o'n rhemp. Ag heddiw, yn fy stad delicyt, oni wir bron a cerdded allan. Doni'm yn gwrando digon i ddallt, a doni'm yn dallt digon i sgwennu dim byd call ar y nodiadau. Nesi anghofio nodiadau i'r darlith gyntaf 'fyd. Yr highlight oedd cael neges gen Till yn deud helo a fod o'n methu fi yn Awstralia bell (cyn ychwanegu weithia-mwahaha), nath lwyddo i neud fi weld ei golli fo'n uffernol ar ben emoshynal tyrmoil gweddill y dwrnod. Bryd hynny nesi sylwi y byddwn i wedi medru peidio mynd i'r darlithoedd bora beth bynnag. Pw.

N'ol i gwely esi erbyn 11 a cysgu tan 2 cyn deffro efo uffar o gur pen. Yr unig bwynt da o'r diwrnod hyd yn hyn ydi'r ffaith mod i wedi mynd i brynu baget o'r siop newydd gyferbyn Talybont. Cyw iar, bacwn, mayonnaise a caws coch. Odd hyn ar y ffordd i gyfarfod bwrdd dyrannu fi am 3 am y prosiect sydd fod fewn wsos i ddydd Gwener ar ein corff, Doris. Erbyn cyrraedd y llyfrgell am 3 ar y dot a ffeindio fod gena ni ddarlith wedi ei ychwanegu i'r rhestr am yr un amser a fod Rich wedi emailio bora ma i ddeud fod y cyfarfod wedi ganslo dwi'n reit miffed. Ac ar ol ista lawr yn y stafell gyfrifiaduron am ddeg munud cyn sylwi y byddwn i wedi medru mynd i'r ddarlith sydd ymlaen rwan, dwi hyd yn oed fwy miffed. Adra'n munud i orffen y maths sydd i fod fewn fory (ol-neitar arall ar y gweill beryg), wedyn sdydio at arholiad muskuloskeletal fydd raid i fi gymryd dydd Iau. Ar ol hynna, ma genai waith lab repot foundation studies i roi mewn erbyn dydd Gwener ac arholiad Clinical Intergrative dydd Llun sydd yn arholiad weddol bwysig.

Bygro addysg, gwaith cwrs maths a phob cloc larwm.

Lac Operon

2006-01-30T15:22:00.000Z

Mmm... wythnos hyfryd dros ben fu'r un ddwytha! Aled yma o ddydd Mawrth ymlaen a minna'n cael yr amser gora dwi di gael ers tro byd! Dyma aros adref y noson yno i wylio Clockwork Orange, o bosib fy ffilm ffefryn erioed, ag eithro un neu ddwy arall. Dwi di prynu camp bed i Al erbyn hyn o Tescos ar ol i mi grio o ddiffyg cwsg penwythnos tro dwytha odd o'n rhochian yn fy ngwely gan fod hwnnw prin yn ddigon mawr i ddal fi heb son am neb arall. Mae'r dechneg yn gweithio i'r dim, mond i ni gofio defnyddio'r toilet a chloi'r drws a n'ol diod cyn rhoi'r gwely i fyny gan fod o'n cuddio gweddill y llawr unwaith mae o wedi agor allan yn llawn. Perffaith. Oni bai am un noson pan benderfynnodd yr annwylyd gnoi drwy ei dduvet yn ei gwsg a gadael mownd o fflyff ar fy llawr i mi glirio wedi gadael...

Dydd Mercher - diwrnod Santes Dwynwen. Lol botes maip sydd wastad yn llwyddo i fy nghynddeirio, ac felly i ddathlu dyma mynd ac Aled am drip i Techniquest i weld ei lygaid yn goleuo, druan bach. Ar ol cinio yn y Goat, th'gwrs. Bob dim yn gret hyd nes i mi drio gneud llais gwirion efo'r meicroffon a llwyddo i gal clamp o shoc o'r blydi peth a llosgi chydig o groen oddi ar fy ngwefus. A wedyn baglu wrth drio chwarae Debussy a dangos fy hun ar yr allweddell anferth fyny grisia. A wedyn pwdu efo'r system pwyso a mesur sydd yno gan mod i'n reit siwr nad ydwi'n pwyso gymaint a hynny ac nad ydwi ychwaith mor fyr a hynny. Wfft. Ond dim ond ni oedd yn y lle heb r'un plentyn ysgol bach yn gwichian a sbwylio'r diwrnod, ac felly oni wrth fy modd!

Dydd Iau oni ar y clinical placement drwy'r dydd yn Llandough. Nesi diawl o ddim yn bore, ac wedyn sefyll drwy pump awr o syrjeri yn y prynhawn. Dyn yn cael ei berfedd mawr (ac ambell i ran reit boenus arall) wedi ei dynnu oddi yno gan fod o'n dioddef o Crohn's. Ai ddim mewn i ddetail, byt it wos not nais. Dwi'n credu mod i wedi disgyn yn syth i gysgu wedi i Aled gwcio cyri i mi. Sycses mae'n siwr!

Dydd Gwener sy'n dod nesaf yn y rhestr debyg. Cwrs 9-5, adref, aros yn gwely tan 7, panicio, newid, allan erbyn 8, cerdded n'ol a mlaen o'r social i ty-Pi gan wylltio Aled chos oni'n methu penderfynnu gadael am 8 ta 9, penderfynnu gadael am 8, cael Taxi i dre ac i Subway - ych. Esi i'r Goat am dipyn i gael Gee and Tee tawel cyn hel am Barfly i weld Radio Lux. Criddle a Cai oedd yno ymysg y nifer, a Huw mewn napi a choesa melfedaidd. Radio Lux wedi llwyddo i droi chydig o fy ffrindiau coleg at gerddoriaeth Cymraeg a minna wedi gwario amser yn trio stopio Geraint rhag gweiddi abiws ar y band am feiddio siarad efo'r gynulleidfa yn yr iaith fain. Ymlaen wedyn i Callaghans, erbyn pryd oni'n reit marinated. Peintia Ginis a cael fy nghosi'n racs gan Criddle a fu'r hanes ymysg be dwi'n gofio, cyn i aeloda ty-Pi gyrraedd am ddrinc. Trip i Tescos am 4 y bora. Biwtiffyl.

Dydd Sadwrn, oni'n sal. Sal iawn. Gwely tan 2 a dim gwaith wedi ei wneud drwy'r dydd. Aros yn gwely drwy'r nos yn gwylio King Kong efo Aled (y gwreiddiol th'gwrs) a chwerthin am nagos i hanner awr heb sdopio (nac ychwaith anadlu) dros y joc waelaf dwi di ddeud rioed;
Jack : "Hey, Ann - why I guess I love you."
Ann: "Gee, Jack! But I thought you hated women?"
Jack: "Yeah, I do. But you ain't women."
Fi: "No - I'm walking."
Gwd God, mai'n wael ond dwi rioed di chwerthin fela o'r blaen. Ac odd Aled yn giglan hystericaly mond yn gneud fi ddeg gwaith gwaeth. A hyn ar ol dim ond un glasiad ffein o win. Hmm...

Aled yn gadael dydd Sul a minna'n penderfynnu am 8 y byddai'n syniad da cychwyn sdydio at yr arholiad Molecular Biology odd genai bora ma. Felly dyma wylio'r teledu tan 9 cyn trio rhoi go ar ol-neitar. Ar ol pump myg o goffi cryf, dyma ddeffro am 6 y bora, a gan mod i'n hogan reit glyfar ar y cyfan, dyma sylwi mod i felly wedi disgyn i gysgu rwbryd rhwng Transcription a Lac Operon. Felly panicio, newid, panicio, brecwast, panicio, teimlo'n sal am i mi fod mor ffol a byta brecwast, ista'r arholiad a medru sgwennu dwy dudalen mewn 40 munud. Not bad ar y cyfan o gysidro mod i'n gwbod dim. Cawn weld sut eith hi! Ma genai waith maths i neud heno a falla chydig o waith sdydio at arholiad Muskuloskeletal sgenai i neud erbyn dydd Gwener dros yr internet. Damia. Sai'n well myned am adra beryg. Pwps.

Brahms

2006-01-23T10:44:00.000Z

Na fe, na fe, wythnos arall ar y gweill. Neith yr wythnos ddim cychwyn tan fory bellach. Gan mai hwn ydi dwrnod olaf dissection, dwi wedi penderfynnu peidio mynd yn groes i raen yr hen draddodiad, ac wedi gneud rynar i'r llyfrgell a'r we unwaith eto. Dissectio'r uterus heddiw efo Doris druan bellach yn edrych fel roadkill (ond fod bob dim wedi sychu i edrych fel cured ham). Mae'r Goat bellach yn opsiwn gwell, ond yn rhy bell i nghoesa byrion gerdded heb Aaron i roi fireman's lift yno i mi. Ac mae o'n sdydio at fory, druan bach.

Mae'r wythnos diwethaf wedi bod yn reit brysur. Dwi WEDI bod yn tro fyny i ddarlithoedd a pracs yn y labordy, dwi HEB ddisgyn i gysgu r'un gwaith, dwi WEDI bod yn sdydio ethics (of sorts - y syniad oedd i gael Lucy i ddarllen bob dim allan i mi o'r saith llyfr GMC neithwir chos dydi dentists byth yn gweithio fel arall...) a dwi'n reit siwr mod i bellach WEDI gneud smonach o'r arholiad bora ma. Sy'n ocidoci - 10% o'r modiwl a tua 1% o'r Primary MB. No wyris.

Ath y genod i gyd i Bounce nos Iau. Ych-a-fi meddai Delyth wrth swigio botel o jin a chanu Chelsey Hotel gan Cohen. Ac felly y bu noson Delyth hyd nes iddi ddeffro ar ben ei phiano bora dydd Gwener gyda copi o Hungarian Dances Brahms yn sownd ar ei boch.

Dydd Gwener, esi i Barfly efo Aaron a Lucy i weld Kardomah, Sibrydion a The Heights. Cefais ddownsio bwgi efo Geraint Iddlington, cefais wisgo cot fawr wlannog Cai a cefais ymddiheuriad gan Mei Sibrydion am ddwyn fy stand organ tro dwytha odd y Sgwirals yn chwara efo nhw'n Naws. Chwarae teg! Y tri band yn hollol siwpoib a minna wedi cael amser gwerth chweil. Rhwsut neu'i gilydd, nesi gysgu ar y soffa yn nhy Cai tra'n gwylio Peep Show a byta syplei flynyddol Dafydd o grympets. Ond gesi neffro gan Aaron am 4 y bore yn mynnu fod ni'n mynd adra - mae Aaron yn gneud hyn yn aml dwi wedi ffeindio.

Wedi deffro erbyn dau dydd Sadwrn, nesi benderfynnu gneud dim drwy dydd blaw tan 6. Wedyn gesi fwyd, donio'r trilby ac ymaith i'r Clwb erbyn 11 efo Lucy, Aaron a Mathew. Downsio efo Ian fu'r hanes unwaith eto, a hwyl a gafwyd (oni bai am y let-down anferthol gen Huw a'i ddiffyg presenoldeb - y bradwr mistar Psych!) Ond dyna fe, cyrraedd adra am 4 wedi meddwi'n racsun, siarad ar ffon fo Ian a "ffraeo" efo Aaron tua allan i'r fflat a deffro pawb.

Ddoe gesi r'hen Joanna allan a'i chwara drwy'r dydd (wel, drwy'r prynhawn. Nesi'm codi tan 2) chos odd genai ddim awydd sdydio a sgenai ddim synhwyr cyffredin o gwbwl. Oni wirioneddol wrth fy modd! Esi drwy'r repetoir gyfan mwy ne lai a mastro'r drydydd dudalen o Brahms Hungarian Dance No.1 (sydd yn blydi ffast a deud y lleiaf) a'r runs llaw chwith yn Revolutionary Study Chopin (sydd yn gyflymach fyth). Sycses! Wedyn cael i Lucy ddarllen i mi o'r llyfra GMC tan 11 a'i hel am y gwely. I dre am ginio efo Heena pnawn ma, ac i'r social heno ma efo Phil, y dyn sydd berchen ty ni at flwyddyn nesaf i geisio ei feddwi a chael pris y rhent lawr mor isel a phosib mwahahaha!

Aled yma fory hyd y wicend. Yipetty! Diwrnod rhamantus wedi ei blanio at dydd Mercher (sypreis chi'n gweld), Barfly a Toucan nos Wener a'r Clwb eto beryg nos Sadwrn. It's ol gwd!

Gin

2006-01-16T10:53:00.000Z

Pach. N'ol yn coleg. Dim net, dim plat o fwyd yn aros amdanai ar y bwrdd bob nos a dim dillad glan. Ond mai'n braf bod n'ol!

Heb sgwennu blog ers sbel, a lot fawr iawn wedi digwydd yn y cyfamser dwi'n siwr. O be dwi'n gofio, nesi wario'r rhan fwyaf o wythnos olaf gwylia Dolig unai yn ty Aled neu odd yr annwylyd yn fy nhy i. Which was nice, th'gwrs. Cowbois Rhos Botwnnog wedi chwarae rhwbryd bryd yma (noson feddwol wych) a Pala yn y Fic yn noson dda iawn, blaw mod i unwaith eto yn tancio fyny'n ormodol ar y Gin ac yn gweiddi ac ypsetio efo Aled am DDIM rheswm. Dwi bellach yn banned o'r diod hyfryd yma tra fod Al ogwmpas chos 1. dwi'n mynd yn flin ar ol hyn a hyn o'r stwff nefolaidd a 2. dwi'n edrych fel hen ddynas yn ei yfed (yn enwedig pan dwi'n gwisgo siaced tartan wyndyrffwl fi). Bw. Ond dyna ni, odd hi'n braf gweld John a Mari eto.

Felly n'ol i Gaerdydd, a minna ddim wir isio dod n'ol ar ol gwylia mor siwpoib, ond mai'n rhyfadd sut ma rhywun yn disgyn n'ol yn syth i'r hen arferiad o ddeffro yn y prynhawn, byta'r petha hollol anghywir ac yfad lot gormod. Nesi ddim gwaith dros y gwylia lly dwi wedi tynnu'r bys o nhin, chwara teg, ar gychwyn y tymor yma, ac wedi cadw ar ben rhan fwyaf o bob dim o ran sdydio a gorffen gwaith ar amser (ond gan mai dim ond cychwyn yr ail wythnos ydi hon, dwnim pa mor hir neith y wyrth yma barhau!)

Hyd yn hyn, allai'm cofio mod i di bod allan gymaint a hynny yn yr wythnos gyntaf. I'r pyb mashwr, ac yfad cryn dipyn yn y fflat. Nesi ddeffro bore dydd Gwener yn y gawod ar ol botel o Gin y noson gynt, ac esi i r'hen Glwb Ifor nos Sadwrn yn reit hwyr efo Huw yn dangos ei fol i'r byd a minnau'n downsio drwy'r nos efo Ian (a dim ond gwario £15! £15?! Record y flwyddyn hyd yn hyn diolch i Mistar Cottrell a'i natur hael!) Landio fyny yn A&E am 2 y bore gan fod Nick wedi agor ei ben ar y pafin. Aros yno tan 6 erbyn pryd oni'n barod i gysgu go iawn. Dwi'n ama mai fi oedd yr unig un oedd yn agos i sobor, sydd wastad yn broblem mewn ysbyty. Diflannu fuodd hanes Quinn am oddeutu hanner awr i chwilio am y peiriant arian a ffeindio'i hun ar y ward plant hehe! Ond mae pen Nick a walet Quinny bellach yn gyflawn felly mae popeth yn iawn efo'r byd!

Dwi'n trio ffeindio achos i beidio mynd i dissection. Felly dwi'n wastio amser yn y llyfrgell yn trio gneud allan mod i'n gweithio cofn i mi gael cic owt (gan fod na giw i iwsio'r cyfrifiaduron bellach). Mae genai waith i neud, ond mae atynniad gweddill y we yn ormod, a mae'r blog druan wedi haeddu ypdet ers sbel. Allai'm dychmygu y bydd genai ddim o ddiddordeb i rannu efo'r byd am sbel eto chos yr holl waith, ond mae Aled yn dod lawr yma wythnos nesaf am amser go hir, lly falla fyddai'n fwy diddorol bryd hynny.

Falla ddim.

Lobstar

2006-01-01T22:33:00.000Z

Blwyddyn newydd a chychwyn da iawn i'r diwrnod cyntaf!

Dwi'n feddw, ma genai fol llawn dop efo rhost gwerth chweil Anti Haf a dwi di bod yn gwrando ar artistiaid bluegrass drwy'r nos. Hank Snow ("well i'll be god-darned, if it isn't my close friend, Cactus Jack!") a Doc Watson myn diawl.

Credaf fod neithiwr wedi bod yn resounding success! Dim ond Hefin, Tyrj, Aled (tu ol i'r bar th'gwrs) a myfi yn stafell gefn y Sun drwy'r nos yn yfed yn ddistaw heb ddim o'r bols llwyr flwyddyn newydd i lygru'r noson. Tan cerdded i'r stafell ffrynt ynte.

Felly dyna a fu am bron i wyth awr. Wyth ffecin awr. Ond oni'n falch mod i wedi aros yno i gadw cwmpeini i Aled beth bynnag, a dwi'n meddwl fod o'n falch o'r cwmpeini hefyd (gobeithio!). Ista ogwmpas rhyw fwrdd oer mewn twll yn y wal efo platiad o fwyd o'r byffe i'r cowntdown, a'r teimlad cyntaf i mi gael yn y flwyddyn newydd oedd siomiant llwyr wrth i Aled benderfynnu mai stwffio llond ei geg efo porc pei oedd y ffordd y gyfarch eiliad gyntaf 2006. Pfft. Ond beryg y dylwn i wedi derbyn fisoedd yn ol na fyddwn i byth yn medru cystadlu yn erbyn unrhyw fath o gonestible cigyddol.

Cyrraedd Erw tua 4 y bore a deffro am 11. Aled yn gadael i gwaith am 11:45 a dad yn pigo fi fyny erbyn 12:30. Cysgu am 1 a deffro am 4. Gwych (oni bai am y salwch wrth i dad benderfynnu gneud yn agos i 100mph rownd pob cornel o Erw i Rhydyclafdy). Ac felly efo 3/4 y dwrnod wedi diflannu tra mod i mewn gwely, dwi'n meddwl fod hi'n gychwyn da!

Gwaith wythnos nesaf. Tits. Arholiad bob wythnos r'ol mynd yn ol tan mis Ebrill a finna heb fynadd ista r'un ohonyn nhw. Ac felly bydd y trips i Aber yn brin a gig Nick Cave yn Birmingham yn amhosib. Bols.

I weld y cariad fory mai'n debyg, dwni ddim. The world's my lobster...

Blwyddyn newydd dda! (Peidiwch a darllen hwn, mae o'n reflective uffernol)

2005-12-28T21:27:00.000Z

Welity wel. Mi fyswn i'n sgwennu hwn ar y 30ain, ond fyddai'm adra, a dwi'n meddwl fod y flwyddyn yma yn haeddu tipyn o recap, gan fod o wedi bod yn flwyddyn dda iawn ar y cyfan!

Cychwyn shite wrth gwrs, fel wyddai'r rhai sydd wedi bod yn dilyn y blog ers y cychwyn (druan ohona chi!). Dan a myfi yn mynd ein ffyrdd gwahanol, ac o ganlyniad, fi'n gneud smonach go iawn o arholiada Dolig fi. Ond gwella a wnaeth yn reit sydyn! Erbyn Ebrill nesi gyfarfod Aled am y tro cyntaf drwy Mari, y person neisiaf a mwyaf gwerthfawr yn y byd - offisial. Mopio'n llwyr efo'r hogyn o fewn rhyw fis ac wedi bod yr hapusa dwi di bod ers hynny!

O ran blwyddyn ysgol mai di bod yn un reit touch-and-go o ran addysg, a gwych o ran yr ochr gymdeithasol. Dwi'n ama mod i wedi colli hydnoed fwy o fynadd na'r arfer yn fy ngwaith (oni bai am art, ond falla fod hynny rwbath i neud efo r'hen Wil) ond mi wnes ddigon da i fedru gneud hi i'r brifysgol yn Gaerdydd felly wypdidw! Trist oedd gadael ffrindia 6ed Dyffryn Nantlle, ac y rhai nesi aros mewn cysylltiad efo nhw ers Pwllheli (dim lot th'gwrs!) ond dwi'n siarad efo nhw gyd ddigon aml ac yn gweld y criw aeth i Aber LOT gormod beth bynnag! Mai'n siwr ei bod hi'n beth ddigon naturiol i bobl fynd eu ffyrdd eu hunain ar ol tipyn, waeth pa mor agos yda ni gynt, ac mai'n siwr gen i o fewn y pum mlynedd y byddai'n Gaerdydd yn astudio y byddai wedi tyfu arwahan efo hydnoed fwy ohonyn nhw. Sydd yn bechod... meh. Cyn belled a fod Mari yn ffonio ddigon aml fyddai'n hapus!

Ar ben y ffrindia dwi di "golli", dwi di gneud gymaint o rei newydd! Drwy Aled yn bennaf dwi bellach wedi gneud ffrindia mawr efo pobl gwych 'tha Tegid, Iwan, Dafydd, Math, Hefin etc etc. Dwi wedi sefydlu perthnasa cryf efo criw Gaerdydd erbyn hyn hefyd ac yn cyfri lot ohonyn nhw fel rhai o fy ffrindia gora. A dwi'n mynd yn sentimental iawn, felly taw chdi, taw! Petha erill...

Gesi weithio yn y morgs o'r diwedd (uchelgais ers rhyw dair mlynedd bellach) a gneud ffrindia gwerthfawr iawn yno.
Gesi ngafael ar falwoden Affrican enfawr a'i alw'n Colin - o bosib y peth gora ddaeth o'r flwyddyn!
Gesi fyw efo ngwallt yn edrych yn debyg iawn i jam am rhyw chwe mis, odd yn bonys, th'gwrs.
Gesi yfed tri chwarter o fy nghyfrif banc yn y pedair mis ddwythaf yng Nghaerdydd - wps.
Ac i dopio fo gyd, nesi ffindio mod i'n lecio Guinness, ar ol blynyddoedd o watwar unrhyw un a feiddiai ei hoffi. Damia.

Ma ngwaith celf i bellach yn cychwyn cael ei adnabod drwy mod i'n bellach yn gyfrifol am ddylunio cloria Chwim, efo'r posibilrwydd o fod yn gyfrifol am y gwaith animeiddio ar gyfer un o ffilmiau Hefin flwyddyn nesaf, a cwpwl o albym cyfyrs os fyhafiai hihi! Mae'r gwaith cerddorol yn hwyl mawr dal i fod - y gwersi piano i'n minions bach i, y gwaith telyn jazz a'r gigs erill Sgwiral yn dod a chydig o bres i'r acownt (Uned 5 ar y 6ed o Ionawr ehehe!). A dwni ddim be arall i neud o'r flwyddyn mond mod i wedi mwynhau yn arw!

Gobeithion at flwyddyn nesaf? Dwni ddim. Pasio y flwyddyn gyntaf meddygaeth ydi'r unig uchelgais mashwr. Dwi'n hollol hapus efo bob dim arall fel ag y mae nhw, felly onwards comrades! Blwyddyn newydd dda i chi gyd!

Blog i'r rhai sydd isio wastio awr go lew yn ei ddarllen (neud isio edrych ar y llunia prydferth i gyd)

2005-12-20T00:53:00.000Z

Och, ma hon am fod yn un hir bobl. Brace your shelves...

Dydd Iau, rhyw bythefnos n'ol (ia, pythefnos myn diawl) dyma Aled yn dod i Gaerdydd am sgowt. Cofio diawl o ddim am hyn, mond mod i wedi landio yn yr undeb (yrgh!) yn CF10 yn gwrando ar fand blws Dabson ac yna'n ffonio Hefin tra chydig yn feddw. Wedyn ffonio dad am hanner nos. Bols.

Nos Wener. Hmm. Dyma broblem arall tra'n trio cofio. Hynny yw, dydwi ddim, yn syml. Ond dwi'n cofio mod i wedi yfed cryn dipyn. Oh ia! Nesi ddylunio cyfar Chwim! Pedair awr o waith solat a melltithio Math am fod mor fler efo'r amser. Ac ymweliad annisgwyl gan Rhys.

Nos Sadwrn, CIB fel yr hen arfer. Meic Stevens yn chwara ac yn gneud DIM synhwyr, fel yr hen arfer. Where are the spuds?... bloody Romans. Iup. Gwd old Meic. Huw Seic yn trio stripio Cottrell a Jason yn dwyn fy het ac yn edrych yn secsi uffernol:-

Delyth yn meddwi'n RACS ac yn methu cerdded adra mewn llinnell syth. Yn ol Aled druan.

Dydd Sul, Lucy'n cwcio cinio Dolig i'r fflat, a hwnna'n un da iawn (blaw am y sprouts - heina'n galad 'tha haearn!). Hi, Heena, Mathew, Aaron, Aled a myfi yn sglaffio llond plat o fwyd cyn brysio i Southgate house i n'ol Mari, Tyrj ac Owens oedd yn bwriadu aros drosodd yn Talybronx. Wedyn, gan fod hein yn ffansio sesh, dyma Delyth a nhw i'r social, wedyn pwdu yn y cyfnod mai'n gymryd i mi yfed tri G&T ac edrych yn fras dros fy llyfr Histology gan fod Aled hefyd efo ale. Felly n'ol i ty-Pi i wylio ffilm yn fflat Aaron efo botel o Baileys. A gan mod i'n flin, yfed rhan fwyaf o'r botal. Doh! Y pedwar arall yn cyrraedd y fflat mewn tipyn o stad rhyw awr wedyn a minnau'n gandryll yn annwybyddu nhw gyd ac yn mynd i gwely.

Dydd Llun - ehehehe! Cychwyn allan am 8:20 i signio mewn i dissection, cyn hel hi oddi yno am 10 (wedi ffeindio fod genai ddarlith yn ychwanegol, damia). Cyrraedd fy stafell i'r olygfa o'r ddau yma yn fy ngwely:-

Neis.

Ymlaen i'r Goat erbyn amser cinio, wedi stop sydyn yn Tescos am fwyd. Wedyn ista yn y seti gwyrdd ychel hyd nes 7 cyn hel hi am yr arena i weld Pooogues! Hynny yw, onibai am y brief stop yn y siop ddillad rhyfedd chydig lawr o'r Goat i brynu trilby ddu secsi i Tegid (oedd yn edrych yn hynnod smyg o'r amser yna ymlaen...)

Waw! Odd Dropkick Murpheys yn dda iawn, ond odd Pogues yn wych! Oni bai am y rhan lle ma Mari'n llewygu a Delyth yn gorfod rhoi rhyw half-arsed fireman's lifft iddi i gefn yr arena gan fod neb arall isio colli'r olygfa o Shane yn baglu dros y llwyfan. A wedyn oni rhwng dau feddwl o aros efo hi ynte rhedeg yn ol i'r gynulleidfa yn giglan fel hogan ysgol. Mari helodd fi oddi yno yn y diwadd, chwara teg iddi! Ond... waw. Dyma lun o bedwar ffwl meddw yn canu i'r Pogues (cyn i Mari lewygu ynte). Ymlaen i Callaghans wedyn i weld deuawd jazz cynnar yn chwarae, a chael gwisgo bresus Criddle. Gwd God, oni'n teimlo'n blessed! A dwi methu ffeindio par felna yn nunlla (dim hydnoed yn M&S!) Gneud puns ar enwa y brodyr Jones nes oria man y bora wedyn, ac mae rhaid cyfaddef, fi drechodd efo "Bedwyr having such a good time". Dwy flynedd mai di gymryd i Hefin a Tyrj ddod fyny efo pun ar enw Bedwyr. Pfft...

Nehoo, pawb adra nos Fawrth efo traethoda a darlithoedd Aber yn galw! A minnau'n teimlo'n reit unig erbyn nos Fercher. Roedd rhaid cael presantau Dolig i bawb, felly allan a mi efo Mathew i ganol y ddinas a phrynu stwff i bawb! Tua 9, dyma fi'n hel hi am y Goat i gyfarfod Hefin, ac yn fuan iawn wedi hynny (wel, rhyw awr) dyma Criddle a Mair yn ymmdangos. Bwyd, malu cachu, yfad, a wedyn i Callaghans am Guinness. Yr unig dro erioed i mi fedru yfed peintia o'r stwff du heb gyfogi, congratiwleshyns! Cyfarfod Ray Diota oedd highlight y noson fodd bynnag. Waaaaw...

Nos Iau, Goat amdani eto i gyfarfod Hefin cyn ei throi hi am CIB. Gwylio Radio Lux fyny grisiau (a Huw Seic yn stripio Gareth ETO, blydi medics!). Llawr gwaelod wedyn i weld y bandia ac yn gneud yr iwsiwal yfad gormod a malu cachu efo gormod o bobl (ond tro 'ma, odd Hefin wrth law i chwalu pen fwy na fi!):-

Erbyn diwadd, oni'n feddw iawn. Canys nid yw pwrs, nac yn wir natur hael Hefin Trouble yn berchen gwaelod na diwedd. Ymlwybro i ty Criddle y gwnes i fodd bynnag a disgyn i gysgu ar Ffion y soffa-bed, wedi i Mistar Trouble dorri chydig o Jamaican Ginger Cake i ni'n dau ac ystyn jwg pyrex o ddwr. Deffro bora dydd Gwener efo Hefin wedi lled-orwedd ar fy mhen a Poj yn sefyll uwch ein pennau efo golwg reit conffydyld ar ei wyneb. Gesi lifft n'ol i Talybronx am 9 a disgyn yn syth i fy ngwely cyn cael galwad ffon am 10:30 gan mam i ddeud fod nhw tu allan i ty-Pi yn aros amdanai. Bols medde finne yn drewi o ogla bwz a ffags y noson gynt. Ma'r dreif adra yn ffyzi - gymris i dablet sal car Boots (glorified horse tranquilizers) ac oni owt ffor ddy cownt o hynny mlaen.

Nesi wario rhan fwyaf o'r wsos yma yn gneud sod-ol. Mynd i ty Aled lot, a fonta'n dod yma, dal i fyny efo'r newyddion a hen ffrindia, a Dolig, wrth gwrs. Esi i'r Twnti nos... rwbryd wsos yma i weld Cowbois a Mim Twm Llai... ac yfad gormod eto. Odd Iwan yn wyyych! Dwi mewn cariad llwyr efo'r hogyn, mae o'n piwyr jiniys! Waits, Dylan a Greensleaves ar y mandolin ar yr un set-list - need I say more? Downsio a canu ffwl spid hyd nes i mi gal lifft adra gan Siani, chwara teg iddi!

Odd Dolig yma'n un dda (ond mai'n siwr fod rhywbeth yn well na'r un flwyddyn dwytha!). Laptop newydd a llwyth o stwff arall! Byta nes mod i'n sal ddoe a heddiw, yfad a slympian ar y soffa o flaen y teledu am oria - yr un hen fformat! Genai waith sdydio i neud wsos nesa rwan, a backdrop i'r gig Cowbois nos Wener nesaf yn y Sportsman. Fydd Aled a fi wedi bod yn mynd allan chwe mis ar yr 28ain, felly mae'n siwr y byddai'n mynd i weld fo yn gwaith ar y dydd Mercher.

Wel wel, blog andros o hir wedi dod i ben, un arall ar y ffordd cyn y flwyddyn newydd gobeithio. Os nad - blwyddyn newydd dda chi gyd!

(Ew, peth da 'di medru defnyddio llunia mewn blog! Twdyls!)

Coch

2005-12-07T11:39:00.000Z

Ma na lot o ddail coch yng Nghaerdydd. Welai dri goeden goch o ffenast stafell gompiwtars yr adeilad Bio-Sci rwan. Neis di coch. Ma ngwallt i'n goch. Wel, mwy o rhyw liw browni-coch. Ddim cweit yn sinsir ond ddim yn frown chwaith. Fatha bisged.

Dwi newydd neud tri darn o waith yn yr awr ddwytha. Dau tiwtorial at fory ac un gerdd (ia, cerdd. as in poem) at prosiect anatomy. Ac ma genai annwyd Aled. Ond mi geith o fo'n ol fory pan ma'n dod lawr yma o Aber ar y Traws Crwban am bump dwrnod, mwahahaha! Ma genai angen clirio llofft. Gwd god mae o'n fudr, dwi'n hwch go iawn pan mai'n dod at gadw'n lan a thaclus. Ond mai'n haws genai ffindio petha ben bora pan dwi'n hanner cysgu pan ma nhw gyd wedi eu gwasgaru hyd y topiau a'r lloriau. Ych-a-fi, oni'n methu codi bora ma, a pan nesi, nesi sefyll ar fy ffon. Sori ffon.

Esi Aber wicend dwytha i chwara efo'r Sgwirals yn Cwps. Yr un hen fformat - meddwi, trio annwybyddu'r ogla rhyfedd yn stafall Aled a Rich yn dangos ei bidyn i ni. Ond nesi syrthio mewn cariad llwyr efo Bill yr Americanwr oedd yn chwarae ar ein hola ni efo steel guitar! Ohohoho nesi joio! Blws drwy'r nos a minnau'n canu'r geiria gymaint nes fod o'n gofyn i mi fynd i fyny i ganu efo'r band. No we hose. Ac wedyn siarad efo fo am sbel cyn idda fo fynd a fi rownd y cefn (ei ei, hold on!) i ddangos yr hen Wurlitzer yno. Mam bach nesi wironi go iawn wedyn yndo! Aparentli ma Alun Tan Lan wedi cael ei lygaid arni ers sbel. Tan Lan - oma, fi pia hi! Ond dyna fo, oni'n feddw, ac odd yr Angel ar agor ac wedyn gwely'n galw.

Wsos yma di bod yn un cyflym, wedi fflio fel y gwynt. Gwario'r prynhawn yn y Goat weithia, dro arall yn disgyn i gysgu mewn lectures ac wedyn yn slympio ar y soffa o flaen ffilm efo Mathew, Aaron a Lucy. Jest dros wythnos arall tan gwylia Dolig efo'r Ppgues dydd Llun i edrych mlaen ata fo, a Tyrj a Mari'n cyrraedd nos Sul i aros ar lawr gegin Talybont. Hehe...

Fydd rhaid mynd! Ymddengys fod Hefin angen clawr chwim yn barod erbyn dydd Gwenar gan i Math anghofio deud dim (mi laddai di Math!) Argh! Twdyls!

Gwin Coch

2005-11-24T11:56:00.000Z

Wel fel arfer dwi'n rhoi rhyw ypdet bach sydyn i'r blog bob tro ma na rwbath diddorol yn digwydd, ond rwsut ne'i gilydd, dwi di anghofio'n llwyr i son am wicend dwytha. Diffyg cwsg ydi'r bai. Hwnna a diffyg meddwl. A cwsg. Nesi ddisgyn i gysgu saith gwaith yn y ddarlith ddwytha ar mutation a rwan ma'n llgada i'n brifo wrth drio cadw nhw ar agor. Sgip i ethics pnawn ma dwi'n meddwl a hel hi am adra a gwely. Er, dwi rhyw how ffansi peint yn y Goat erbyn hyn...

Wel welity wel. Wicend dwytha. Gig Pala, Bob a Gilespi yn CIB. Aled yn dod yma nos Wenar efo Marsli (dwy awr yn hwyr, ffyc mi, a finna jest a llwgu erbyn naw o'r gloch isio fy nhe!) Cwcio'r Indian mwya splendid erioed a byta nes mod i'n sal ac Aled yn griddfan, y ffwl. Gwely cynnar noson yma gan fod pawb arall wedi mynd allan erbyn tua deg dwi'n meddwl (dwi'm yn cofio lot). Dydd Sadwrn, dyma i'r cwpwl annwyl hel hi am ganol y ddinas i siopa a wastio amsar, gan anghofio fod y gem ymlaen ac fod hi'n hollol blydi packed a blydi pobl bach yn neud swn efo'r things cyrn coch na. Dwi'n anghofio'r enw, ond y things sy'n gneud swn uchel uffernol ac yn brifo clustia ac yn rhoi hartan i Delyth bob un ffecin tro! Cinio a panad tu allan i gaffi mewn arcade gan mod i jest a rhynnu a bob un pyb erbyn hynna yn hollol llawn. Dyma Aled yn prynu dau cigarette holder, y bonheddigwr suave steilish idda fo. Smocio gyda panache rwan ol ddy we!

Gig yn CIB wedyn, gig dda, mwn. Delyth yn feddw. Eto. Rich yn colli peint hydai a minna'n mynd n'ol adra'n sylcio ac yn downsio r'un pryd rhwsut. A dyna ni wedyn, sal fel mochyn dydd Sul ac yn ypsetio'n lan wrth i Aled fynd n'ol i Aber.

Weler, dyma fi y wicend nesaf yn rhoi ypdet i'r blog yma wedi sylwi mod i di anghofio amdana fo ers tro byd. Twt lol. I weld Saw 2 yn y sinema nos Wenar, finna'n chwerthin yn holl ffordd drwyddo (gan mod i gan amlaf yn casau thrillers o'r fath) efo Heena yn crio wrth fy ochr. Gwd wyrc.

Gwylio'r gem dydd Sadwrn efo Aaron yn ei stafall efo botal fawr o Leffe a pizza o Tescos wedi i mi sylwi mod i wedi cyrraedd y pinicyl trist iawn ble na'r unig beth sydd wedi bod yn fy ffrij ers 3 wsos bellach ydi bwwwz (oni bai am tin o myshi pis a bocs o fiwsli yn y cwpwrdd (ond dim llefrith)). I CIB wedyn yn yr oerni i gyfarfod Ifan Rasputin yno. Sydd yn f'atgoffa o f'addewid - Ifan yw'r dwd mwyaf yn y bydysawd. Erbyn hyn, dwi'n ama mod i di bod yn reit feddw. Nesi ddowndio efo Donyt Ashokan am sbel gan ddeud mod i isio cyfarfod Gethin Ashokan i fedru gofyn pa Roland mae o'n iwsio. Gesi gyfarfod Aled Ashokan yn gyntaf fodd bynnag, gan fod o newydd graddio fel meddyg ac yn fwy na parod i roi cyngor i mi, yr hogyn clen yr ydio. Erbyn hyn, odd Ian Cottrell wedi dwyn fy nhrilby a minnau ei het frown o, gyda'n het i yn brysur gneud y rownds o gwmpas y Clwb gan landio ar ben Rhys Mattoidz tra fod nhw ar y llwyfan yn y diwadd (hynny yw, nes i mi hel Ian i nol o!).

Lot o ddownsio ddilynnodd, a lot o Huw Psych a Gareth yn stripio a lluchio dillad at y Mattoidz, twt twt. Erbyn tua 3:30, ymddengys mai dim ond fi, Aaron, Ian, Gethin, un arall o Rasputn a'r Mattoidz oedd ar ol yn downsio. Nesi siarad efo Hefin Mattoidz am dipyn cyn hel hi allan efo Aaron, Ian a Gethin a cychwyn am adra. Low and behold, dyma llais yn gweiddi ar ol myfi a'r annwyl Aaron mod i'n mynd y ffordd anghywir a mai fforna odd ty Ian. Felly rhwsut dyma fi'n landio yn ty Cottrell tan 6 yn gwylio Star Wars a Wil Ferrell a colli gwin a malu cachu. Am beth hollol blydi random i ddigwydd! Cyn gadael, dyma chwydu ar ei stepan ddrws fel arwydd o ddiolch meddwol mae'n shiwr, wps.

Cyrraedd adra rwbryd ben bora a cysgu tan ddau, wedyn sylwi fod genai arholiad heddiw a nad oedd genai fynadd sdydio. Ond odd yr arholiad yn hawdd ac yn fyr, felly wfft idda fo! Nehooo, dwi off. Dwi am gneud dim heno ddim ond trio gorffan y diod yn fy mocs bach yn y ffrij a gwylio Braindead mwn. Marflys. Bant a ni!

Ficedig o Swnllyd

2005-11-16T10:22:00.000Z

Gwd God dwin talu 'chan. Penwythnos Ficedig o Swnllyd adra, wedyn parti arholiad y meddygon nos Lun. Bleeeeugh! Felly dyma gychwyn o'r cychwyn...

Esi adra bora dydd Iau via Aber a'r Wy efo dwy falwoden enfawr garniforys oddi tan fy mraich a siaced smocio tartan ora fi ar fy sgwydda (yr un sy'n gneud i fi edrych tha bocs o shortbread yn ol y son). Dyma dad yn dod i bigo'r ddau ohona ni fyny o Wetherspoons gan wneud i mi ddownio peint i frysio, y ffwl. Llenwi'r car efo stwff Aled a bant a ni tuag at Penllyn! Gesi aros adra nos Iau, cael rhost dydd Sul bendigedig a mwydro efo'r gath a'r cwn. Dydd Gwenar, dyma Aled yn galw draw yn y bora a mynd a fi n'ol i Dyffryn Nantlle gan fod Wil Art wedi cael ammonia poisoning ac wedi bod yn wael iawn yn ol yr anfarwol Lois. Ymddengys mai pneumonia odd o di gael wedi'r cwbwl, druan bach, ond braf UFFERNOLEDIG oedd i weld o to. Dwi bellach ar y guest-list ar gyfer y dangosiad o'r peinting mawr ma Wil di neud i orchuddio un o waliau yr adeiliad S4C yng Nghaerdydd. Mae C mai Ioan Gruffudd sy'n cyflwyno hwhwhw! I weld y ddau Daid wedyn a Taid Efailnewydd wrth ei fodd yn dangos y bwcad efo'r llygod mae o di bod yn ddal yn y cwt adar ers mis Medi. Dros 40 erbyn hyn medda fo. Pfft. Wedyn i weld Taid Abersoch, a fonta'n meddwl mai "crooner" oedd swydd Aled wedi iddo fo ddeud mai "stiwdant" oedd o. Dio'm yn beth call rhoi syniada fela ym mhen Aled dwi'm yn meddwl, gallai'r sefyllfa droi'n beryglus. Yn ol i ty Aled wedyn am swpar ac i wrando ar hen vinyls Glyn.

I'r Fic gyda'r nos lle, a bod yn onast, allai ddim rili gofio lot. Downsio, canu, gweiddi ac yfad cyn llusgo Hefin o drafodaeth efo Ffion Nar i fynd n'ol i Fiw Mi. Yn ol y son, nesi anwybyddu Aled am dair awr, postio negeseuon gwirion ar edefyn meddw maes-e, gwylltio, edrych ar ol Marsli, colli ffon a honni fod Cian wedi ei fyta a gwario rhyw 20 munud yn edrych ar ol bys gwaedlyd Hefin efo dim ond duvet i'm enw. Hmm... Deffro bora Sadwrn yn sal fel mochyn a gwario gweddill y dwrnod yn griddfan ar y soffa adra efo DVD anatomy yn chwara ar y teledu. N'ol i'r Fic nos Sadwrn lle odd yr yfad llawer iawn mwy reserved ar fy rhan i dwi'n credu. Dwi'n cofio'r noson o leia. Eryr yn sodding gwych, oni di gwirioni'n laaaan! Myfi, Corrach a Dave yn canu ac yn downsio yn y ffrynt, chwara teg i ni gyd. Gwario nos Sadwrn adra er mwyn trio cal digon o gwsg cyn y siwrna adra a'r arholiad dydd Llun.

Ai, yr arholiad. Dwi'n ama mai fail llwyr dwi di gael yn hwn, damia. Ond nefyr maind, ma genai ddigon o amsar i neud resit mashwr! Allan i Creation i ddathlu'r camlwyddiant ar ol potal o vodka a hannar botal Southern Comfort wedi ei yfad yn y fflat. Wps. Landio fyny efo rhyw foi yn yr un grwp dissectio a mi yn ei stafall yn Senghennydd cyn cael tacsi n'ol adra am 4 ac aros yn fflat 1 yn plethu sgert Hawaii John an diyn. Hmm. Felly ddoe oni'n talu, heddiw dwi dal yn talu. Noson o gwsg go iawn i mi heno gobeithio.

Aled yn dangos ei wynab wicend yma er mwyn chwara efo Pala yn CIB felly dwi'n methu aros i'w weld o. Fydd hi'n wicend dda gobeithio! Methu aros at wicend ola'r tymor. Pooogues!!! Ac erbyn hyn, ymddengys fod Hefin yn dod efo fi i'r university ball i greu merry hell, hehe! Nehoo, ma genai occupational health check pnawn ma yn rwla, felly fydd raid i fi ffindio allan lle rwan. Wedy i chwilio am dy at flwyddyn nesa efo'r giang. Twdylw!

Rhyngol

2005-11-08T11:34:00.000Z

Rhyngol. Ie, ie, rhyngol. Esi lawr ar y bys i Aber dydd Gwenar, gan sylwi fod tabledi sal-car Boots yn hynnod gryf a mod i'n teimlo'n hynnod, hynnod rhyfadd ar ol rhyw ugain munud. Felly dyma i mi bendwmpian ac edrych o nghwmpas mewn rhyfeddod pur am gyfnod y pedair awr yno gan edrych bob hyn a hyn yn fy llyfr ar y 'peripheral nervous system' at yr arholiad dydd Llun nesaf. Hwyl mawr wrth gwrs. Cyrraedd i gyfarfod Aled yn Wetherspoons (sypreis sypreis) ac yna adra mashwr. Dwnim. I Llew rhwbryd beth bynnag i gyfarfod y gwahanglwyfys Criddle a fonta chydig yn rhy cin i gymryd y piss o'r acen Saesneg wirion ma sgenai, chwara teg.

Odd gen y Sgwrials gig yn Cwps noson yma, a dwi'n siwr fod ni di chwara'n iawn. Gesi ddigon o bobl yn cyfleu eu cariad gan ddeud na dydi nhw rioed wedi gweld neb yn edrych mor bored a fi erioed. Allaim helpu, dyma siap fy ngwynab. Basdads. Dwi wastad yn edrych yn flin pan dwi'n indifferent beth bynnag felly da i glywad fod y draddodiad yn fyw! Oni'n reit feddw erbyn diwadd y gig, yn ista ar lin Math yn dwyn sigarets o boced Cravos tra fod o'n gwylio'r Sibrydion yn chwarae. Wps. I Bae wedyn a datgan fod Huw yn knob i'w wynab. Dydi o ddim, dwi'n hoff iawn ohona fo go iawn. Dyna fo wedyn, dim cof o ddim arall. Damo.

Dydd Sadwrn, y bwriad oedd i weithio'n gyson ar y gwaith cwrs HIV o 7 y bora hyd at 8 y nos. Dyma ddefrro am un, aros yn gwely tan ddau, Aled yn cwcio'r fry-up gwaethaf rioed tan wedi tri a'r gem ymlaen yn lownj wedyn. Felly dyma ddwyn laptop GT a trio ngora glas i dalu sylw i cwestiwn 6 tra fod Aled yn mynnu sgwennu rhanna o Tin Tin yng nghanol fy ngwaith. Chwara teg, weithis i tan wedi pump rwbryd, wedyn allan am bizza efo Mari, Sion Indifferent, Aaron a Huw. Yn y cyfamser, odd Aled a Rich wedi mynd i'r pyb am "beint". Ai, "peint". Dwi'n amau'n fawr os mai dim ond un "peint" a yfwyd gan yr annwylyd gan fod o wedi stymblo mewn i Hollywood yn gwenu fel ffwl ac yn honni'n reit prowd fod o'n feddw. £1 y botal aparentli.

I rhyngol wedyn, ble mae popeth yn fuzzy uffernol. Gwario rhan fwyaf o'r amser efo Mari gan fod Aled bellach yn reit fodlon siglo n'ol a mlaen efo peint yn ei law yng nghanol y stafall ddownsio. Yfad lot, downsio lot a minglo efo pobl dwi heb weld ers blynyddoedd faith o ysgol. Un geneth yn colli hanner ei pheint dros fy nghrys Twm Sion Cati, felly dyma tywallt yr hanner arall dros ei phen hehe! Twas all good fun! Needless to say, odd Aled yn sal UFFERNOL bora wedyn (roedd si fod tri byrgyr wedi ei sglaffio ganddo ar y ffordd adra).

Oh weeeell, adra nos Iau! Yippety! Fic Llithfaen, hiyr ai cym! Welai chi 'na bois!

Llefrith Carniforys

2005-11-03T11:58:00.000Z

Dyma ni rwan, aelodau fflat 1, 2, 3, a 4, mewn rhyfel ffyrnig efo fflat 6. Dani wedi cael digon ar eu hantics stereotypical stiwdants megis lluchio boteli at ffenestri ni, troi speakers wyneb i lawr ar y llawr gegin fel fod y swn yn boddi bob dim arall yn y fflatiau islaw, mynd ogwmpas yn oria man y bora yn canu'n groch ac yn pwyso'r clychau drws i ddeffro pawb. Bob nos. Bob un ffecin noson ers dwi di bod yn byw yma, efo o leia un aelod o bob ty wedi mynd yno rwbryd i ofyn yn neis "cadwch y foliwm i lawr bois" a chael drws rhif 6 wedi ei gau yn eu gwyneba. Wel dyma'r gwair yn malu cefn y camel yn racs neithiwr a dyma pawb o'r fflatiau islaw yn cyfarfod yn fflat ni i drefnu "plan of action" (ac i fyta Tirymisw nath Heena i ni at y flwyddyn newydd Hindw, chwara teg iddi).

Os oni wedi disgwyl unrhyw fath o drefn call i'r noson, siomiant dragywydd a fu, gan fod y r'ogia wedi penderfynnu'n barod mai'r unig ffordd ymlaen oedd i beintio drws fflat 6 mewn amryw o fwydydd reit ffiaidd yr olwg. Pwy oeddwni i ddadlau? Felly, wedi eu citio mewn cotia glaw rhag meuddu, dyma John, Justin a Quinny yn hel hi fyny'r grisia'n ddistaw bach efo ni gyd yn dilyn i weld y canlyniad. Gwd God odd na olwg unwaith odd y r'ogia wedi gorffan. Blawd a dwr, sos coch (bygar o beth i gal off ddrysa, tryst mi), sbageti, wyau, finigr o hen jar pickled onions a llefrith hynnod beryglus yr olwg odd Aaron wedi bod yn ei dyfu ers fis yn y gegin.

Wedi hyn, dyma Delyth yn diflasu ar y cynhwrf ac ar y gwaith, ac ar ol sgwrs ffon efo Aled, dyma hi'n myned i'r gwely'n flin. Chwarae teg iddi. Aparentli, Aaron gafodd y bai am y drws gan idda fo gal galwad gan aelodau mwyaf fflat 6 (blydi bwystfilod o hogia!) ac felly dwi'n disgwyl gweld llanast llwyr ar ei ddrws unwaith dwi'n mynd n'ol i Talybont. Ond dyna ni, dim fi nath a dwi'm yn poeni.

Aber fory o'r blydi diwadd! Aled, Sibrydion, Sgwirals, Mari hynnod rhyfadd, diod a criw o hics Penllyn yn ol pob son. Fydd raid i Aaron rannu soffa efo unai Emlyn neu Llannerch. The joy! Ond mae o'n hogyn mawr bellach, dwi'n trystio y medrith o edrych r'ol ei hun (hehehehe...).Nehoo, cinio wan. Nesi actiwli aros yn y stafall DR drwy'r bora yn gweithio (blaw am y seibiant goffi gesi tua 11, ahem...) ac felly pnawn ma, dwi'n mynd adra i weithio ar y blydi gwaith cwrs erchyll ma hyd nes oria man y bora! Ac yn methu Chis yn CIB heno. Damo. Geith Aled ganu lawr ffon i mi ynlle hihi! Twdyls wehilion.

Cwwwwwsg!

2005-11-02T11:27:00.000Z

All-nighter neithiwr. Sodding gwaith cwrs ar HIV. Myg HIWJ o goffi, twb o Ben&Jerry's a Tan Lan ar yr HI-FI. Nesi golli mynadd erbyn 10:30 ag ista'n gegin am awr yn cwyno ac yn sticio mys drwy'r tyllau yng nghrys Mathew. Wel am hwyl. N'ol i'r llofft am 11:30 a penderfynnu ffonio r'hen Ramirez annwyl a gwario lot gormod o bres yn siarad am awr a hannar am ffec all. Gweithio wedyn, go iawn tro ma. 3 o'r gloch, dyma fflat 6 yn stymblo lawr y grisiau o'r hell hole dance music uwchben at llawr ni gan ganu'r gloch drws ffrynt am oria a lluchio poteli gwin o'r balconi. Basdads. Mathew (oedd hefyd yn brysur gweithio) yn penderfynnu rhedag ar eu hola nhw yn damio, chwara teg idda fo, a diddorol fydd gweld ymateb Aaron, Nick ac Ashwin i hyn i gyd pnawn ma pan ai n'ol gartra o gofio fod nhw'n byw reit oddi tan yr offending fflat. Erbyn hynna, odd Delyth wedi colli mynadd yn llwyr a dyma'r gwely yn cychwyn fy ngwatwar, felly rhaid oedd ei gosbi drwy neidio arna fo a gwrthod symud, waeth faint oedd o'n cwyno.

Felly dwi'n flin ac yn flinedig heddiw. A ma myfyrwyr yn mynd ar fy nhits. Creu swn, lluchio poteli, meddwi'n geiban wedi rhyw ddau WKD anti-freeze gachu ac actio fel typical stiwdants. Pah! Ac wedyn yn edrych arnai'n rhyfadd pan dwi'n gwrthod point blanc a gwisgo fyny i Halloween gan mod i'n meddwl fod yr holl syniad tu ol i'r wyl a gwisgo fyny yn shite llwyr, ac yn rhyfeddach fyth pan dwi'n hanner ildio ac yn sticio dau bensil fyny nhrwyn gan honni mai cas pensiliau ydwi, Baldrick-style. Meh!

Aber dydd Gwenar! Iei! Methu aros ar y funud, fel dwi'n methu aros i fynd adra pen pythefnos. Fydd hi'n stoncar o wicend (a nagoes, sgenai ddim cywilydd o gwbwl mod i newydd ddefnyddio'r gair stoncar lly tewch!) Y plan bellach ydi mynd i Aber pnawn Iau a dal y tren i Bwllheli n'ol efo Aled yn y nos. Dydd Gwenar ai i weld Taid (gan mod i di gaddo mynd ag Aled i weld o fyd hehe) a gwario gweddill y diwrnd efo'r teulu gan fynd i'r Fic yn nos. Sadwrn - sesh drw' dydd dwi'n dychmygu fydd hi erbyn diwadd. Hmm... a finna efo arholiad anatomy ar y dydd Llun. Shwd bi ffyn! Ond dwi am fynd rwan a'i throi am adra i neud mwy ar y gwaith cwrs a sticio Nick Cave ar yr HI-FI. Beryg gawni ddathliad flwyddyn newydd i Heena heno efo bwyd Indian a lamps olew hyd y gegin. Garantid eith y gloch tan ymlaen. Bownd o neud.

Gwd Wyrc

2005-10-28T13:50:00.000+01:00

Weeeel heliiiiw! Mai'n ddiwrnod braf o Hydref yma a minnau newydd gal panad o goffi canys i Delyth wingo drwy'r ddarlith ddwytha a ceisio cadw ei llygaid ar agor, gan daro Heena yn ei gwynab a sticio bys yn ei llygaid. Och! Felly dwi'n gwingo efo'r caffin ar hyn o bryd. Smwwwdd... Dwi newydd fod am bryd bwyd yn cantin y prif adeilad Gwyddoniaeth. Dyna intec beef fi am yr wythnos nesaf. Dwi'n methu'r stec wythnosol wchi. Fillet Welsh Black rare uffernol fel ei fod yn nofio mewn gwaed ac wastad yn troi'r tatws rhost yn goch. Mmm... Dwi am orfodi dad i gwcio un i mi pen tair wythnos pan ai n'ol adra i'r penwythnos Ficedig o Swnllyd. Ac am benwythnos fydd honno! Hefin, dwi'n aros draw 'ogyn, so put your best dancing shoes on m'boy!

Dwi actiwli wedi bod yn methu adra wythnos yma. Wel, methu'r gath fwy na dim. Gesi confyrseshon reit hir efo'i neithiwr, finnau'n gofyn "Sut ma Pwdin?" a hithau'n mewian n'ol arnai cyn llyfu'r ffon a rhedag i'n llofft i a cysgu ar fy ngwely. Hen betha clyfar di cathod mwn. Tra i'r cwn drio byta'r ffon ynlle. Ffyliaid. Mae'n hen bryd i mi fynd n'ol adra erbyn hyn gan fod pawb arall dwi'n nabod yma wedi bod adra o leia unwaith ac Aled yn mynd n'ol penwythnos yma. Ond ma genai llwythi o waith erbyn hyn a ma gig y Sgwirals yn Aber penwythnos nesaf felly dyna ni. Edrych ymlaen at hwnnw. Fydda ni'n warthus o ganlyniad i'r methiant llwyr a fuodd wrth gadw at amserlen practeisio (dani heb chwarae efo'n gilydd ers Steddfod dwi'm yn meddwl) a fydd na broblem mawr cael Delyth i Aber erbyn 8 gan fod y bys yn gadael am 6 ac yn cymryd dros 4 awr. Damo fe. Falla gai lifft. A fydd genai ddim organ mwy na thebyg, ond falla nai ofyn i Gareth bigo fo fyny cyn dod lawr, neu defnyddio Microkorg Iwan fydd y ffordd ymlaen mashwr. Oh well! Chwarae efo'r Sibrydion cofiwch! Iei!

Dwi wedi or-flino'n uffernol. Dwi heb fod allan ers nos Fawrth (rhwsut nath noson allan efo'r dissection table am ddrinc tawel droi fewn i Delyth yn methu cerddad erbyn cyrraedd adra (bai y pear cider) er mai im ond 4 allan o 12 nath droi fyny i hwnnw)...

O.N. Dyna ddiwedd ar y blog yna wedi i mi sylwi mod i ddeg munud yn hwyr i ddarlith. Wps.

Felly dyma fi'n cario mlaen rhyw bedair diwrnod wedyn...

Dwi'n aros i fynd lawr i lle dissectio rwan. Ma isio mynadd yn y fath le, o gofio fod genai arholiad pen pythefnos a finna'n gwbod dim dwi'n meddwl sa petha llawer gwell os fyswn i jest yn mynd adra a gweithio. Ac ma genai draethawd ar HIV a'i inhibitors i roi mewn erbyn diwadd yr wythnos gobeithio, ac hen beth cas di hwnnw fyd. Ar ol gaddo i fi fy hun y byswn i'n bod yn hogan dda ac yn mynd am wely cynnar penwythnos dwytha dyma Delyth yn disgyn mewn i'w gwely yn geiban am 6:30 bora Sul. Damia, damia, damia! Wedi gwario fy amser yn Clwb Ifor Bach yn gweld y Poppies, Jakokoyak a Winebego. Ffwc o amsar. Mets fi'n soddio off am 12 chos fod nhw di blino a finnau'n aros efo criw Senghennydd i greu merry hell. Horach wedi chwdu drosto'i hun a finnau'n ei gofleidio heb wybod (damia'r sglyfath hehe!), dipyn o griw oddi ar y maes yno, rhyw foi yn honni fod o'n cael fy nhrilby gan fod o'n nabod Pen Wy a Slyg yn trio cal fi i roi o ar y "guest list" (pa guest list?!). Lot o siarad lol a honni wrth Aled wedyn mewn negas ffon fod fy nhraed wedi troi tu-chwithig allan. Ahem...

O.N. Wedi gorfod trydydd-gychwyn ar y blog gan mod i wedi sylwi mod i chwartar awr yn hwyr i dissection gynna. Ma fy ngallu i gadw amser yn rhemp bobl.

Ac wedi trydydd gychwyn dwi wedi sylwi na sgenai fawr i ddeud r'ol hyn! Nai'm blogio tan wedi'r penwythnos nesaf mashwr gan mod i'n Aber yn chwarae efo'r Sgwirals ac yn Rhyngol. Os gai i Gareth ddod a'r organ lawr efo fo, beryg ddoi fyny ar y bys am 11.10 (negas sytl i Wierdo ydi honna, dwi'n ama y byddai wedi anghofio ffonio i drefnu petha o flaen llaw felly dyma rybudd i ti!) Mai'n gaddo bod yn hwyl. Dwi'n dod ag Aaron efo fi (o bosib un o'r bois gora'n y byd?) felly geith o hwyl yn trio dysgu siarad Cymraeg. Do, dwi wedi perswadio fo i ddysgu wedi mynd a fo allan ar ei noson gynta i Clwb Ifor Bach y noson feddw honno ddoth Hefin acw. Dwi'n siwr mod i wedi son yn y blogiau gynt rhwbryd am hynna. Mae o bellach efo llyfra dysgu Cymraeg a tapia a gwersi genai. Gwd wyrc, gwd wyrc. Nehoo, gwaith cwrs i ail-gyio yndda fo rwan, ac falla am banad nes mlaen... ffarwel!

Bio-sci

2005-10-17T15:45:00.000+01:00

Dwi'n yr adeiliad Bio-Sci rwan ar net, dwi'n methu iwsio'r ffycar yn halls chos mod i'n byw yn Talybronx ond meh! O leia fod genai reswm i beidio atab rhei pobl yn ol (dydi hynny ddim yn wir. Dwi'n atab PAWB yn ol (blaw Till ar y funud, newydd gofio. Wps.))

Caerdydd dal yn gret. Heb laru eto (blaw ar y byta. Dwi'n methu byta wedi mynd. Ready-meals Tescos a boteli Southern Comfort ydi'r ffordd ymlaen ar y funud, ychapych!) Wedi bod yn llusgo pobl i'r pybs gan fod downsio i'r un swn undonnog am bedair awr yn gyrru fi'n dwlali a dwi di bod yn gweld dipyn ar bobl o acw fyd. Dydd Sadwrn dwytha dyma criw BOB ac Eryr yn dod 'ma am dro i'r stwidio ac oh gwd lord dwi BYTH yn mynd i neud dim o'r fath eto! Dwi'm yn cofio lot, ond ma be dwi yn gofio LOT rhy obscene i sgwennu ar safle mor barchus a'r un yma. Mynd i weld Llwybr Llaethog mewn lle fysa wedi buddio o gal ychydig o porn yna, wir, sa fo wedi gweddu i'r dim! Diod yn ddrud fyd. Bygar. Ond amsar gret yn downsio eto efo Hefin (dio'm yn iach) cyn mynd i'r 24 hour bar yn yr hotel wedi ei fwcio gan Bandit i ni. Yfad tan 6 dwi'n meddwl a canu Waits efo Criddle a Hefin tan oria man y bora. Wedyn i'r ty ar wahan odda ni'n aros yndda fo. Hihi! Dwi'n deud dim am be ddigwyddodd yn fama. No we. Codi am 11 i fynd i'r stwidio a pawb dal yn HOLLOL feddw gaib. Y ddynas colur yn mynd yn nyts dros wynab Aled-him-up-the-garden-path ac yn plastro fo mewn foundation ag eye-shadow. Eurgh! Odd o'n codi ofn arnai erbyn diwadd! Ond dyna ddiwadd ar yr outing yna. Dwi'm yn cofio lot, a ma be dwi yn gfio yn gneud i fi fod isio anghofio fo beth bynnag.

Dwi'm y cofio os esi allan yn ystod wsos dwytha. Do mashwr. Dwi'n cofio mynd i Clwb Ifor nos Iau i weld Pwsi Meri Mew a'r Brwision a'r Sibrydion efo Aaron (nytar ac athrylith) a Meurig Norman ac Elin a Glesni. Eto, lot o hwyl. Downsio tha nytar ar ol gwylltio mod i wedi talu £4.60 am double Jack a coke. Basdads. Ond noson dda! I Aber esi nos Wenar. 4 ffycin awr ar fys a honna'n troi corneli a bob dim. Yyyych... Onisio chwdu'n gyts allan erbyn cyrraedd. Ond wedyn uffar o wicend a ddilynnodd! All-dayer dydd Sadwrn gan adael Delyth yn rowlio a GT yn sgyrnygu gymaint fel fod ei lygaid o'n mynd i guddio dan ei aeliau mowr sinir, druan bach! Odd hi'n gret cael gweld chydig o'r hen griw, ond oni dal yn colli Mari'n uffernol ac yn cofio gweiddi fwy nag unwaith "Dwisio Mari!". Bys n'ol am 1 i Gaerdydd, bod yn sal eto a cyrraedd adra'n hyngofyr ac isio cysgu.

Ma penblwydd Mathew heno felly dani am fynd allan ar pyb crawl gan orffan yn Creation mashwr. Ai i weld Mattoidz nos Iau ac yna'n ol i Aber nos Wenar. Iei! Wythnos promising iawn! Blaw am y ffaith fod na LOT gormod o waith i fi ymdopi efo, ma'n anhygoel faint dwi'n gorfod ddysgu erbyn hyn. Eek! Meh. Ma'r allweddell yn cychwyn pisio fi off go iawn rwan. Hen beth ygafn gachlud heb ddim asgwrn cefn i'w enw sy'n mynnu peidio teipio y petha dwi'n sgwennu (felly ymddiheuriadau!). Bah! Nehoo, dwi off i yrru ebostiau i'r bobl hynny dwi'n lecio. Taaa!

Yyyyyych...

2005-10-05T21:02:00.000+01:00

Wel, Caerdydd. Lle da! Dwi'm yn cofio gymaint a hynna o be sydd di bod yn mynd ymlaen, gan fod hi di bod mor hir a sgenai'm net, damo. Ond ma petha'n gret, mets newydd ac allan bob nos, yfad lot gormod ond meh, be sydd di newid yn fana? Halls yn iawn mwn, digon o le yn llofft (AHAHAHAHAHA) a dwi'n byta'n iach (AHAHAHAHAHAHAHAHAHAHAHAHA). Methu Aled fatha ffycin nytar, ond dau ddwrnod sgenai a mae o'n dod lawr, a nagydw Dafydd, dwi ddim yn bwriadu dragio fo ona cyn oria man y bora, ceith yr Wy neud be fynnith yr Wy ei neud! Mond fod o'n prynu de, sgenai'm problem efo'r peth hehe!

Odd hi reit rhyfadd bod yma yn y cychwyn gan fod na'm llawer o bobl Gymraeg yma a phob nos yn cael ei wario mewn dance club o'r fath a'r uni, ond nos Sadwrn dwytha nesi weld LLWYTH o bobl oni'n nabod yn Clwb Ifor Bach. A'r syrpreis mwyaf? Wel, gweld yr hen Hefin ymysg y gwehiliach yn downsio'n braf! Ar ol y degfed wisgi ne rwbath o'r fath ma bob dim yn blyr... ond esi adra ona tua 4 ac aparentli odd y bownsars wedi dychryn braidd efo stad downsio y ddau ohona ni. Ahem. Dim fi nath. Felly fydd hi'n neis gweld pawb yno nos Sadwrn nesaf pan ma criw BOB ac Eryr yn ymuno yn yr hwyl ieieieieieiei! Allai'm aros!

Ond ma raid i mi ymadael, genai lwyth o washing yn y wash washi. Ypdet mwy na thebyg yn y mis nesaf mashwr. Methu chdi Mari! Wi'n dy garu di hogan! Twdyls!

Twdyls Llwynhudol!

2005-09-23T22:51:00.000+01:00

Dwi off fory. I Kerdiff am bum mlynadd. Waw. Ma pawb di bod yn crio (rhaid cyfaddef nesi grio wedi deud tara wrth annwyl Aled). Dal heb orffen pacio ond meh, dwi'n edrych ymlaen! Annibyniaeth a ballu'n swnio'n rwbath reit handi i gael wrth law! Aled yn dod draw i weld fi pen pythefnos tra'n recordio i Bandit a gai aros dros nos mewn hotel efo fo whwhw! Noson HYFRYD neithiwr efo fo yn Esi ac wedyn i'r traeth am dipyn efo pedwar botel wisgi a gin. Nefoedd llwyr! Och, mi fethai'r hogyn, a dwi'n gobeithio na dio'n bwriadu gwario'i bres i gyd ar fooze a difyrru rhyw enethod flwyddyn gyntaf pengoch hehe. Beryg yr eith ei bres i gyd ar yrru negeseuon ffon i mi mwahaha...

Ond awe rwan, mai'n mynd yn hwyr, dwi angen pacio sanna fi (sut ddiawl dwi'n medru bod yn berchen ar gymatin o sanna?! Ma nhw'n bob man damia nhw!) a rhyw ychydig fan betha gwirion. Damia na chesi fyned i'r "parti ta-ta sili go dda" yn Blue i weld Cowbois a Mim-Twm, ond os di Delyth yn mynnu gadael petha tan munud dwytha...

Nehoo, ddim blog am sbel mashwr ymysg yr holl feddwi am y pythefnos nesaf o freshers gennai. Twdyls!

Prairie Wind

2005-09-20T22:30:00.000+01:00

Dwi'n gwrando ar albym newydd Neil Young, Prairie Wind oddi ar ei wefan a hyd yn hyn, dwi'n hoff iawn ohono! Dwi'n mynd i wrthod peidio prynu'r albym yma. Dwi heb brynu albym ers dros ddau fis rwan efo'r holl safio at coleg a mam yn myllio mod i'n "wastio pres". Sy'n hollol resymol, blaw na dyna di'r unig wir obsesiwn sgenai (blaw am prynu a wedyn byta Mister Chocs mewn un orgy sglyfaethus enfawr). Odd raid i fi sortio drwy'r 400 ballu ohonyn nhw odd genai chydig yn ol a dewis y rhei gora i fynd efo fi. Poenus, gyfeillion, poenus. Yn enwedig wedi i mi ddarganfod fod CD Alice Cooper fi ar goll a dim ond y cas sgenai'n fy ngwatwar rwan. Damia.

Dyma i mi orffen rhoi gwersi piano am byth rwan. Wel, tan Dolig beth bynnag. Gesi botal o win yn ddiolch a ma hwnnw bellach yn wag a bob dim yn fuzzy braf genai ac un glust wedi stopio gweithio ers rhyw ugain munud ballu...

Dau ddwrnod ar ol nes dwi'n gorfod mynd i Gaerdydd. Dwi di pacio bob dim heddiw blaw am ddillad, pwy sydd angen pethau mor gyntefig tra'n cerdded strydoedd hyfryd y ddinas yma? Ahem... Genai angen cofio lab jacket fi, a chael llun call o Aled cyn i mi fynd. Ma bob dim fel arall yn sorted, mwn. Fallai sketch pad os gai afael ar un yn dre dydd Gwenar.

Heddiw dyma Aled draw i "helpu" fi bacio'r eshenshyls a fory mae o wedi cynnig mynd a fi am fwyd (er mai fi wnaeth fwcio a gneud y trfeniadau i gyd chwarae teg i mi!) felly dwi i ffwrdd i Erw am y dwrnod fory, ac i Esi yn nos. Dydd Gwenar genai gynnig mynd i weld Mari yn dre, wedyn Cowbois yn Coleg Meirion ac yna yn Blue gyda'r nos. Dibynnu pa mor bell dwi o orffen pacio yn y prynhawn mae'n siwr. Dwi angen gorffen erthygl magasin Math fyd, a'r clawr. Dwi di gneud outline y clawr yn iawn, dim ond angen ei beintio a mynd dros y llinellau pensil efo inc eto (dim ond!) Cawn weld os allai ei orffen erbyn y 1af! Eek!

Ond rwan dwi am fynd. Ma bob dim yn troi a ma Aled newydd yrru negas i mi. M gymerith fy holl egni i sgwennu n'ol iddo mae'n debyg. Sori.

Nyts

2005-09-13T22:15:00.000+01:00

Uffar o olwg arnai heddiw. Wel, na dim heddiw, ond rwan. Actiwli, oni'n edrych yn ok ar y cyfan heddiw, dillad digon parchus, gwallt yn byhafio (of sorts). Ond rwan ma na rwbath wedi gweithio'i hun mewn i'r rhan yna o'm llygad na allai byth cweit weld na'i gyrradd a dwi di bod yn tagu ers rhyw ugain munud go lew ar gneuan sy'n styc yn braf yn fy ngwddw. Good work.

Esi n'ol i Dyffryn Nantlle bora ma. Codi'n fuan am hanner awr 'di saith a gneud fy ffordd yn y fan i'r ysgol i bigo cerflunia celf fi fyny ag i ddeud ta-ta a thenciw fel petai. Clamp o hyg a sws gan r'hen Wil, chwara teg idda fo, a minnau wedi dychryn ei weld mewn trowsus a blazer lliw hufen ac wedi jelio ei wallt yn ol. Dwi'n meddwl fod o'r un syndrome a gwisgo'r crysa bob-lliw streipiog erchyll. Twt lol! Ond oni'n falch iawn o'i weld, dwi di gweld ei golled o'n fawr, mae'n rhaid cyfaddef! Yr athrawon erill i gyd yn falch iawn drostai a minnau'n falch o gael mynd n'ol i'w gweld a'u diolch cyn hel hi am Gaerdydd am bum mlynedd. Fyddai'n 25 ag yn heeeeeeeen erbyn cychwyn meddwl dod n'ol swni'n tybio, wedi'r dwy flynedd yn ychwanegol fel house-officer. Ac fydd Aled yn 27! Eek! Syniad reit ddychrynllyd ar y cyfan ddywedwn i!

Gesi lwyth o betha drwy'r post gan Gaerdydd am fynd i'r brifysgol - lot gormod o wybodaeth mor fuan yn bora! Ond dwi'n edrych ymlaen at fynd bellach. Llai na pythefnos a dwi dal ddim hanner parod. Ond meh, mi fyddaf fyw rhwsut mashwr.

Dyma car Aled yn torri lawr heddiw yn dre wrth iddo fo fynychu cwarfod Sbrigyn Ymborth, a gan mod i yno ar fy ffordd i'r banc, dyma aros i'w helpu. Batri'n fflat, y ffwl. Felly dyma gorfod gwthio'r car i le saff ac aros am recovery van i helpu cyn gneud ein ffordd i'r garej. Wel dyna ddigon o antur i Delyth am ddwrnod felly adra am banad ag i roi gwers piano a mi! Dyma fy wsos olaf o roi gwersi, a dwi'n mynd i fethu'r rhan helaeth o fy minions bach i. Er, dwni ddim os ydi'r teimladau yn gweithio'r un ffordd. Dyma'r hogyn bach heddiw yn gneud sioe o weiddi "iei!" a rhedeg yn gylchoedd rownd car ei fam ar ol ffindio allan mai dyma oedd ei wers olaf. Pfft! Ma na wastad un...

Ond, gyfeillion, mae'n rhaid i fi fynd. Ma Math wedi gofyn i mi sgwennu erthygl magasin am fy ngwaith yn y morgs felly fydd rhaid ei wneud. Y rheswm oedd fod o'n chwilio am y person efo'r bywyd mwyaf diddorol. Dwi'n meddwl fod o wedi gneud uffar o gamgymeriad neu typo wrth yrru'r negas yna i fi. Ond dyna fo, the public knows what it wants!

Shit-a-Bricks

2005-09-09T21:57:00.000+01:00

Dwi di bod yn deud hyn lot rhy aml dros y dyddia dwytha, heb fawr o reswm, ond dwi'n eithaf hoff o'r dywediad. Un da dio. Enw da ar fy nhy cyntaf fe dybiaf. Whwhwww!

Ar y funud dwi'n teimlo tha sbydu. Odd bob dim yn iawn tan i mam benderfynu bod yn glen a gneud panad i mi. Ond odd genai boteli Hoegaarden chi'n gweld, ac oni'n brysur gweithio'n ffordd drwydda nhw. Ac felly gan nad onisio pechu mam nac ychwaith yr Hoegaarden, dyma cymryd sgwig o'r ddau bob yn ail. Ychamychins!

Ond pam fy mod adref yn cyboli efo'r fath benderfyniadau holl-bwysig dwi'n clywed chi'n gofyn? Achos fod Aled, aka Real Admiral Ramirez, aka Captain Beefcock - go fishing deep for browns trout fisherman, aka Pen Wy wedi mynd i'r Fic gan wneud esgus wych fod ei fam wedi elopio efo'r car (falla fod hi, ond ddim am bump awr). Taswn i mond wedi meddwl ymateb efo "naddo tad!" ar y ffon gyna, sa bob dim yn iawn amwni. Hindsight is a wonderful thing. Mi fyswn i'n flin, ond dwi'n nabod yr hogyn yn rhy dda bellach, ac oni'n hollol ymwybodol tra odd o'n gneud ei esgusodion a'i sgiws mi's fod ganddo blaniau eraill, y llwynog bach cyfrwys ydi o! Felly geith o ddiodda diwrnod o siopa am stwff coleg efo fi fory - mwahahahaha!!! Tydw i'n hen beth creulon ar adegau?

Gwers biano olaf efo Iwan Llewelyn heddiw. Damia nesi joio dysgu efo fo! Mae o di rhoi rhestr eithaf sylweddol o stwff i ddysgu tra dwi'n Gaerdydd gan fod yr annwyl Alphonse (y Yamaha newydd hyfryd) yn ymuno efo fi yn fy mywyd addysgiadol. Dwi'n caru Alphonse, wir wan! Y sialens flwyddyn yma ydi dysgu 'Pictures at an Exhibition' yn ei gyfanrwydd, ac wedyn gan fod Malcolm y Microkorg hefyd yn fy nilyn i'r halls, falla ei droi yn rhyw fath o masterpiece Prog-rock a churo fersiwn yr holl-alluog ELP. Genai hefyd angen tacluso Rondo a Capriccioso gan Mendelssohn a trydydd preliwd Gershwin heb son am y stwff erill dwisio drio allan! A gan mai darlithoedd 9-5 sgenai fwy na heb, a wedyn ddim gwaith tu allan i hynny blaw stydio at arholiada (a nai ddim gneud hynna beth bynnag, c'mon wan, pwy dachi'n feddwl ydwi eh?!) fydd genai ddigon o amsar i chwara!

Nesi wario lot o neithiwr yn trafod efo Aled sut siap oedd yn mynd i fod ar fy mlwyddyn coleg hyd at Dolig o ran mynd i weld bawb. Dwi'm yn meddwl fydd hi'n rhy anodd. Mae Eryr yn recordio sesiwn Bandit ar yr 8ed o Hydref ar ol chwarae gig yn Abertawe, ac felly fydd Aled yn aros yng Nghaerdydd beth bynnag mewn hotel suit courtesy of the nice people at Bandit a finnau'n cael sbario noson o gysgu yn yr halls. A gan fod Caerdydd efo pythefnos o wythnos y glas (os ydi hynny'n gneud UNRHYW synhwyr o gwbwl?!), yna fydd genai ddigon i neud i gadw fi'n ddiwyd at yr amser yna. Dwi'm hydnoed yn gwbod pryd dwi'n fod lawr yno eto, nac ychwaith lle dwi'n aros yn iawn, beryg fydd rhaid rhentu fflat rhwng yr wyth ohona ni sy'n mynd. Ond... wedyn yr wythnos yn olynnol i hyn, dwi'n meddwl mynd am drip i Aber i weld y criw a Roland (dwi dal ddim yn gwbod os dwi'n gneud y peth call yn gadal fy annwyl VK7 yn ty Aled, rhaid fydd cael insiwrans yn gyntaf!). Wedyn mae Eryr yn chwarae yn Butlins efo Bryn Fon a Frizbee (tee hee hee! Dwi'n ffeindio syniad hynny o hick-fest yn hynnod ddoniol!) felly adra wsos yna i weld y teulu etc, fydd hynny ar y 27ain dwi'n meddwl. Tachwedd, siwrna i Aber yn yr ail wythnos o bosib, a Pala yn chwarae yng Nghlwb Ifor Bach ar y 29th felly ymweliad arall gan Aled! A dyna ni at Ddolig mwy na heb! Fydd rhaid gwario rhan fwya o fis Rhagfyr yn y coleg mashwr cyn yr arholiada, damia. Cawn weld beth sy'n codi ben ynte! A dwi'n siwr fod Hefin yn planio llusgo Aled i Gaerdydd am bythefnos ne rhywbeth o'r fath cyn Dolig beth bynnag. Twt twt...

Felly lot i neud cyn Dolig. Digon o bractis i'r Sgwirals hefyd. Odd raid i ni droi cyfla o gael chwarae efo Celt, Epitaff a Frizbee yn Amser wsos yma fyd. Blydi Gareth yn mynd i weld y sodding Stereophonics. A gwaith yng nghanol hyn i gyd! Plys ma genai annwyd trwm eto, neu nid fod o wedi ail-ymddangos, ond yn hytrach wedi atgyfnerthu ei hun. Bastad. Felly ma mam yn benderfynnol o neud fi mor dew a phosib cyn i mi adael fel nad ydwi'n dod lawr efo mymps neu wastio'n ddim neu'r fath yno, chwarae teg iddi. Edrych ymlaen at fynd erbyn hyn!

Mari a Kawasakimonkeybitch yn aros mewn hotel yng Nghaer heno, y basdads lwcus a plania fi o aros ar Enlli efo Aled bellach yn chwal oherwydd plania Caerdydd. Felly mae'r genfigen wedi setio mewn. Damia nhw oll! (ond gobeithio'n arw eu bod nhw am joio r'un pryd!) Nehoooooooo, sai'n well i mi roi'r gora i hyn rwan. Mae o'n cychwyn mynd yn wirion o hir a dos na ddim ar ol o'r te na'r Hoegaarden bellach. A ma trwyn fi'n rhedag. Nice.

Heyho!

2005-09-07T21:57:00.000+01:00

Wel, dyma gychwyn gwefreiddiol ar flog holl-wybodus arall (gan mod i bellach wedi diflasu ar y llall). Dwi mond yn sgwennu gan mod i isio gweld sut beth fydd y blog ar y diwedd. Wast o asmer llwyr rili.